Zań jalpyǵa birdeı deklarasııalaýdy engizýdi 2020 jylǵy 1 qańtardan 2021 jylǵy 1 qańtarǵa aýystyrýdy jáne budan ári kezeń-kezeńimen kóshýdi kózdeıdi.
Birinshi kezeńde – 2021 jylǵy 1 qańtardan bastap jalpyǵa birdeı deklarasııalaý sheńberindegi deklarasııany jaýapty memlekettik laýazymdaǵy adamdar men olardyń jubaıy (zaıyby);
memlekettik fýnksııalardy oryndaýǵa ýákilettik berilgen adamdar men olardyń jubaıy (zaıyby);
memlekettik fýnksııalardy oryndaýǵa ýákilettik berilgen adamdarǵa teńestirilgen adamdar men olardyń jubaıy (zaıyby);
«Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýsııalyq Zańyna jáne «Sybaılas jemqorlyqqa qarsy is-qımyl týraly», «Qazaqstan Respýblıkasyndaǵy bankter jáne bank qyzmeti týraly», «Saqtandyrý qyzmeti týraly», «Baǵaly qaǵazdar rynogy týraly» Qazaqstan Respýblıkasynyń zańdaryna sáıkes deklarasııa usyný jónindegi mindet júktelgen adamdar bolyp tabylatyn jeke tulǵalar tapsyrady.
Ekinshi kezeńde – 2023 jylǵy 1 qańtardan bastap memlekettik mekemelerdiń jumyskerleri men olardyń jubaıy (zaıyby), sondaı-aq kvazımemlekettik sektor sýbektileriniń jumyskerleri men olardyń jubaıy (zaıyby) bolyp tabylatyn jeke tulǵalar tapsyrady.
Úshinshi kezeńde - 2024 jylǵy 1 qańtardan bastap zańdy tulǵalardyń basshylary men quryltaıshylary jáne olardyń jubaıy, darae kásipkerler jáne olardyń jubaıy tapsyrady.
Tórtinshi kezeńde - 2025 jylǵy 1 qańtardan bastap azamattardyń qalǵan sanattary deklarasııa tapsyrady.