Elordalyqtar men qala qonaqtary 1 tamyzǵa deıin «Nursultan Nazarbaev: jasampazdyq kezeńi» atty shyǵarmashylyq fotokórmeni tamashalaı alady.
Kórmege Nur-Sultan qalasynyń memlekettik arhıvi, Tuńǵysh Prezıdent – Elbasy kitaphanasy, Qazaqstan Sýretshiler odaǵy jáne National Geographic Qazaqstan jýrnalynan alynǵan barlyǵy 90-ǵa jýyq ekspozısııa qoıylǵan. Elbasynyń el basqarǵan 30 jyldyǵyna arnalǵan kórmede 1990 jyldar men kúni búginge deıingi ýaqytty qamtıtyn derekter jarııalanǵan. Qala turǵyndary men qonaqtary kórmeden Tuńǵysh Prezıdent – Elbasy Nursultan Nazarbaevtyń ómiri men saıası arenadaǵy erekshe sátterin beıneleıtin fotomaterıaldardy kóre alady.
Uıymdastyrýshylardyń aıtýynsha, bir aıdyń ishinde fotokórmege 45 myńnan astam adam keledi dep kútilýde. Kórme Nurjol dańǵylynda ashyq aspan aıasynda ótýde.