Taldyqorǵan qalasynyń 6-shaǵyn aýdanyndaǵy 16 qabattan turatyn 3 úı «Nurly jer» baǵdarlamasy boıynsha júzege salynyp, turǵyn úı qurylysy jınaǵyn jasaǵan azamattarǵa buıyrdy. Qoldanysqa berilgen turǵyn úı ǵımaratynyń jalpy aýdany 22 myń sharshy metrdi quraıdy. 230 páterdiń toqsan ekisi 1 bólmeli, toqsan ekisi 2 bólmeli jáne 46- páteri 3 bólmeli. Jańa qonys ıelerin baspanaly bolýlarymen jáne Astana kúnimen oblys ákimi Amandyq Batalov quttyqtady.
- Bıyl oblys boıynsha 800 myń sharshy metr turǵyn úıdi paılalanýǵa berý josparlanýda. Tek «Nurly jer» baǵdarlamasynyń ózine ǵana 27,9 mlrd.tg bólingen. Bul qarajatqa 1279 páterden turatyn 334 turǵyn úı salý kózdelgen. Onyń ishinde kópbalaly otbasylardy turǵyn úımen qamtý erekshe nazarda. 2025 jylǵa deıin oblysymyzdyń 5 myńǵa jýyq az qamtylǵan otbasylary baspanamen qamtylmaq,- dedi oblys ákimi Amandyq Batalov.
Sondaı-aq, Astana kúninde Úshtóbe qalasynyń 100 otbasy baspana kilti tabys etildi. Qaratal aýdanynyń ortalyǵynda paıdalanýǵa berilgen 40 jáne 60 páterlik eki kópqabatty turǵyn úı kópten beri jeke baspanaǵa muqtaj bolyp júrgen kópbalaly jáne jalǵyzbasty analarǵa, múmkindigi shekteýli jandarǵa, múgedek balasy bar nemese múgedek bala tárbıelep otyrǵan januıalarǵa, zeınetkerlerge, ata-ana qamqorlyǵynan aıyrylǵan balalarǵa, UOS ardagerleri jáne UOS múgedegine teńestirilgenderge, bıýdjettik sala qyzmetkerlerine berildi.
Úı ıelerine baspana kiltin oblys ákimi Amandyq Batalov tabys etti. Baspana kiltterin tabystap, quttyqtaý tilegin jetkizgennen keıin óńir basshysy jańa úıdegi eki páterge kirip, qurylys sapasyna qatysty úı ıeleriniń pikirin tyńdap, olarǵa teledıdar syılady. Osydan keıin Amandyq Ǵabbasuly 60 páterli jaldamaly kópqabatty úıge baryp, onda da qonys ıelerin Astana kúnimen jáne qýanyshty sátterimen quttyqtady.
Almaty oblysy