Qaradalaǵa kógildir otyn keldi

Tabıǵı gaz tutynýǵa endi aı­maq­tyń shetkeri aýmaǵynyń biri  Uıǵyr aýdany turǵyndary da qol jetkizdi. Jaqynda Shonjy aýy­lynda aýdandy kógildir otyn­men qam­tamasyz etetin gaz tara­tý qon­dyr­ǵysynyń ashylýy ótti. Or­ta­lyqtandyrylǵan jańa gaz qu­byrymen alǵashqy tabıǵı kógildir otyndy jiberý saltanatyna arna­ıy kelgen oblys ákimi Amandyq Ba­talov qýanyshty sátke kýá bol­­ǵan barsha aýdan tur­ǵyndaryn quttyqtady. 

– Jetisý óńirinde, onyń ishin­de Taldyqorǵan aımaǵynda ta­bıǵı gaz tutyný – buryn-sońdy bolmaǵan jaǵdaı. Biz memleket­tiń qoldaýy arqasynda qazir ob­lystaǵy ár úıdiń kógildir otyn­ǵa qosylýyna jumys istep jatyr­myz. Alys aýdandardan alǵashqy bolyp Qaradaly óńiri gaz jelisine qosyldy. Endigi baǵyt – Kegen men Raıymbek aýdandary. Osy maqsattan aınymaı, Taldyqorǵanǵa jetken gaz jelisin Aqsý, Sarqan, Alakól aýdandaryna deıin tartýdy jalǵastyramyz. Buǵan múmkindik bar, – degen oblys ákimi Amandyq Batalov elimizdi gazdandyrýǵa qatysty Elbasy júktegen mindettiń oryndalyp jatqanyn aıtty.

Shonjy aýylyndaǵy gaz taratý stansasynyń qurylysy áli tolyq aıaqtalǵan joq. Oǵan «Sharyn» avtomattandyrylǵan gaz taratý stansasy, Shonjy aýy­lyna deıingi 9,5 shaqyrymdyq jo­ǵa­ry qysymdy gaz qubyry jáne 46 shaqyrymdyq ortasha qy­sym­dy gaz taratý júıesiniń qurylysy kiredi. Qazirgi tańda aýylishilik júıelerdiń qurylys-mon­tajdaý jumystarynyń II ke­ze­ńi­niń qurylysy júrgi­zilýde. Ju­­mys­tardy 2019-2020 jyl­dar­­dyń jylytý maýsymynyń bas­­talýyna deıin aıaqtaý josparlanýda.

Alǵashqy kezeńdi iske qosý ba­ry­synda-aq aýyldaǵy 42 abono­ment kógildir otynǵa bir kúnde qo­syl­ǵan, 150 úıdiń ótinishi kezek­te tur. Bul óńirdegi kógildir otynǵa de­gen suranystyń joǵary ekenin kór­­setedi. Jalpy, bir ǵana Shonjy aýy­ly boıynsha 5 abonoment gaz je­li­sine qosylýǵa daıyn otyr eken.