Taldaý qorytyndysy boıynsha eńbek ınspeksııalarynyń vedomstvolyq álsiz baqylaýy, memlekettik korporasııanyń fılıaldary men memlekettik áleýmettik saqtandyrý qorynyń Áleýmettik jáne zeınetaqy tólemderin taǵaıyndaý jáne aýdarý máseleleri boıynsha baqylaýynyń bolmaýy, medısınalyq-áleýmettik saraptama júrgizý kezindegi múddeler qaqtyǵysy jáne taǵy basqa da júıeli problemalar anyqtaldy. Sonymen qatar nátıjeli jumyspen qamtýdyń jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasyn iske asyrý kezinde eńbek naryǵynyń qajettiligin sapasyz boljaý jáne qysqa merzimdi kásiptik oqytýǵa, jastar tájirıbesine, áleýmettik jumys oryndaryna zańsyz ornalastyrýdy der kezinde anyqtaý jáne boldyrmaý tetikteriniń joqtyǵy belgili boldy.
Jıynda Oljas Bektenov: «Mınıstrlikke, Komıtetke jáne jergilikti atqarýshy organdarǵa halyqty áleýmettik qorǵaýdy qamtamasyz etý boıynsha úlken memlekettik mindetter senip tapsyryldy. Meniń oıymsha, bul jerde úlken júrekti jáne laıyqty adamdar jumys isteýi tıis», dedi.
Ujymǵa profılaktıkalyq áserdi kúsheıtý úshin áleýmettik qorǵaý jáne halyqty jumyspen qamtý salasyndaǵy sybaılas jemqorlyq quqyq buzýshylyqtar boıynsha qylmystyq jaýapkershilikke tartylǵan adamdar týraly beınerolık kórsetildi. Basqosýda O.Bektenov ataýly áleýmettik kómekti negizsiz tóleýdi anyqtaý boıynsha jumystar júrgizilip jatqanyn atap ótti. «Egemen-aqparat»