Ýnıversıadanyń ekinshi kúninde dzıýdoshy Ǵalymjan Qyryqbaı stýdentter oıynynyń chempıony atandy. Jarystyń fınaldyq beldesýinde Ǵalymjan fransııalyq Hadrıen Lıvolsıdi jeńip, altynnan alqa taqty. Qola júlde – О́zbekstan jáne Nıderland sportshylarynyń enshisinde. Sondaı-aq stend atýshy Sársenkúl Rysbekova mergender arasynda úshinshi oryn ıelenip, Ýnıversıadanyń qola júldegeri atanǵan.
Sonymen qatar úshinshi jarys kúninde gımnasshylar Narıman Qurbanov pen Mılad Karımov el qorjynyna kúmis medal saldy. Gımnastıkalyq at snarıadyndaǵy jattyǵýdan synǵa túsken Narıman irikteý kezeńin úshinshi orynmen aıaqtaǵan edi. Fınalda ol 14,700 upaı jınap, kúmiske qol jetkizdi. Al sporttyq gımnastıkadan básekege túsken Karımı kermedegi jattyǵýda 14,675 upaı jınap, ekinshi oryn ıelendi.