«Qazaq oqyrmandary Mustaı Kárimniń esimin erekshe qurmet tutady. Almatydaǵy kitaphanalarda aqynnyń qazaq jáne orys tilderinde jaryq kórgen júzden asa kitaptary saqtalǵan. Aqynnyń týǵanyna 100 jyl tolýyna arnalǵan búgingi sharaǵa qazaqstannyń asa kórnekti qalamgerleri men memleket jáne qoǵam qaıratkerleri qatysyp otyr. Bul Mustaı Kárimniń halyqqa etene jaqyn, álem ádebıetine ortaq tulǵa ekenin kórsetedi»,- dedi Baqytjan Saǵyntaev.
Aıtýly kúnge oraı elimizge arnaıy kelgen Mustaı Kárimniń nemeresi ári aqyn atyndaǵy qordyń quryltaıshysy T. Karımov qalamgerdiń arýaǵyna kórsetilgen ólsheýsiz qurmeti úshin kúlli qazaq halqyna alǵysyn bildirdi. Búgin óleń men jyrdyń qasıetti ordasyna aınalǵan Almaty tórinde «Mustaı Kárim – 100 jyl» atty halyqaralyq ǵylymı-tájirıbelik konferensııa ótedi.
Kárim Mustaı, Mustafa Safıch Karımı – bashqurt aqyny, Sosıolıstik Eńbek Eri (1979). Alǵashqy shyǵarmalary 1935 jyldan jarııalana bastady. Tuńǵysh jınaǵy «Otrıad qozǵaldy» dep atalsa (1938), 1941 jyly «Jazǵy daýystar» atty ekinshi jınaǵy jaryq kórdi. Soǵys jyldarynda jaýyngerler ómirinen «Jeltoqsan jyry», «О́lmesbaı» atty poemalar jazdy. Ol soǵystan keıin «Bizdiń úıdiń qýanyshy» povesin (1952), «Kóktem daýysy» (1954), «О́zender sóıleıdi» (1964), «Alysta qalǵan jaǵalar» (1966), «Jyldar izimen» (1971) jınaqtaryn jarııalady. MUSTAI Kárimnyń «Toı jalǵasýda» (1947), «Jalǵyz qaıyń» (1950), «Qyz urlaý» (1959), «Jyrlanbaǵan jyr» (1961), «Aı tutylǵan tún» (1964) atty pesalary bar. Onyń «Úsh taǵan» (1965), «Taltús» (1972) atty kitaptary qazaq tiline aýdarylǵan. MUSTAI Kárim Reseıdiń K.S. Stanıslavskıı atyndaǵy Memlekettik syılyǵynyń (1967), Bashqortostan Memlekettik syılyǵynyń (1967), KSRO Memlekettik syılyǵynyń (1972) laýreaty.
ALMATY