«Dombyra kúni merekesi júregimizge jylylyq uıalap, janymyzdy jadyratty. О́ıtkeni, syrt kózge qarapaıym mýzykalyq aspap bolyp kórinetin dombyramen ózgeshe órnektelgen áýender men kúıler barsha qazaqstandyqtardy uıystyryp keledi. Elbasynyń bastamasymen júzege asyp jatqan aıtýly kún ulttyq mádenıet pen biregeılikti saqtaý, qaıta jańǵyrtý ıdeıasynyń tóńireginde qoǵamdy odan ári toptastyra túsedi. Eldegi ıgi bastamalarǵa únemi qoldaý kórsetip kele jatqan etnomádenı birlestikterdiń músheleri bul merekeni atap ótýge belsene qatysyp jatyr», deıdi Shymkent qalalyq ázerbaıjan etnomádenı birlestigi tóraǵasynyń orynbasary Arzý Gýrbanova.
Gýlvıra Baıtýǵanova Dombyra kúni týǵan uly keleshekte áıgili óner ıesi bolady dep senedi.
«Bala kúnimde dombyrashy bolýdy armandaıtynmyn. Búgin assambleıa músheleri biz kútpegen qundy syılyq – qazaqtyń ulttyq aspaby dombyrany tartý etip jatyr. Muny jaqsylyqqa yrymdap, búgin dúnıe esigin ashqan perzentimniń erteń el tanıtyn azamat bolatynyna senemin», deıdi mereke kúni náresteli bolǵan ana.
Aıta keteıik, shildeniń alǵashqy jeksenbisin ulttyq aspabymyzdyń tól merekesine aınaldyrý týraly sheshim ótken jyly belgilengen bolatyn. Qalalyq etnomádenı birlestikterdiń ókilderi ulttyq biregeılikti saqtap, qoǵamdy biriktire túsetin dombyra kúni aıasynda ótip jatqan barlyq sharalarǵa belsene qatysýda.