Qurylys kompanııalarynyń jetekshilerimen kezdesken Almaty ákimi Baqytjan Saǵyntaev birinshi kezekte mektep, aýrýhana, balabaqsha syndy nysandar halyqqa qoljetimdi qashyqtyqta bolýy kerek ekenin aıtty.
«Qurylys kompanııalary basshylarymen júzdestim. Basty másele retinde – eski úılerdi súrý jaıy talqylandy. Bul – basymdyq berilgen baǵyttardyń biri. Ońtaıly sheshim izdeıtin bolamyz», – dep jazdy Baqytjan Saǵyntaev Twitter-degi paraqshasynda.
Sonymen qatar, Almaty ákimi Baqytjan Saǵyntaev belsendi qurylystyń qarqyny áleýmettik nysandardyń, ınfraqurylymnyń damýymen qatar júrýi tıis ekenin atap ótti. Turǵyndarǵa mektep, aýrýhana, balabaqsha qoljetimdi qashyqtyqta bolýy basty nazarda bolatynyn jetkizdi.
ALMATY