Atalǵan sharanyń ekinshi kezeńi aıasynda, ıaǵnı 14 shilde kúni polısııa qyzmetkerleri Jambyl oblysynyń T.Rysqulov aýdany, Jaqsylyq aýylynda О́zbekstan Respýblıkasynyń 31 azamatyn ustady. Ustalǵandardyń barlyǵy jergilikti kirpish zaýytynda ruqsat qujatynsyz zańsyz eńbek etip kelgen.
Jambyl oblystyq polısııa departamenti kóshi-qon qyzmeti basqarmasynyń bastyǵy, polısııa podpolkovnıgi Arman Turdalıevtiń aıtýynsha, qazirgi tańda О́zbekstan Respýblıkasynyń azamattaryna qatysty ákimshilik-quqyq buzýshylyq týraly Kodekstiń 517-baby 5-bóligi boıynsha ákimshilik materıaldar jınaqtalyp, sheshim qabyldaý úshin T.Rysqulov aýdanynyń sotyna jiberilgen. Sonymen qatar, shetel azamattaryn ruqsatsyz eńbek qyzmetine zańsyz tartqany úshin jumys berýshi de Qazaqstan Respýblıkasy ákimshilik-quqyqbuzýshylyq Kodeksiniń 519-babynyń 1-bóligi boıynsha ákimshilik jaýapkershilikke tartylǵan.
Sondaı-aq 17 shilde kúni de Baızaq aýdanynyń Býryl aýylyndaǵy dúkenderdiń biriniń úı-jaıynda Jambyl oblysynyń Polısııa departamenti zańsyz kóshi-qonǵa qarsy kúres jónindegi arnaıy jeke rotasynyń qyzmetkerleri Qazaqstanda zańsyz júrgen jáne nan ónimderin pisirýmen aınalysqan О́zbekstan Respýblıkasynyń jeti azamatyn anyqtaǵan. «Ustalǵan eńbek mıgranttaryna qatysty Qazaqstan Respýblıkasy ákimshilik-quqyqbuzýshylyq Kodeksiniń 517-babynyń 5-bóligi boıynsha ákimshilik materıal hattama toltyryldy. Al sheteldik jumys kúshin tartý erejesin buzǵany úshin nan pisiretin sehtyń ıesine qatysty ákimshilik-quqyqbuzýshylyq Kodeksiniń 519-baby boıynsha ákimshilik jaza taǵaıyndaldy. Barlyq ister Baızaq aýdanynyń ákimshilik sotyna joldandy», deıdi, atalǵan basqarmanyń bastyǵy, polısııa podpolkovnıgi Arman Turdalıev.