Oralda Qadyr ortalyǵynda Kúı bólmesi ashyldy

Sharaǵa Oral qalasynda tura­tyn belgili dombyrashy, qazaq kúı óneriniń altyn qoryna bir­neshe shyǵarmany jetkizip, jazyp qaldyrǵan О́tegen Juma­shev, ardager kúıshi, dombyrashy Ulmeken Batyrova, «Qur­met» ordeniniń ıegeri, Qazaq­stannyń eńbek sińirgen máde­nıet qyzmetkeri, dáýlesker kúı­shi Ermek Qazıev, kúıshi-dom­byrashy ári dombyra jasaýshy sheber Edige Nábıev sekildi bel­gili óner tulǵalary qatysty. Me­rekege qatysýshylar «Naǵyz qazaq – qazaq emes, Naǵyz qazaq – dom­byra!» degen qanatty sózdiń avtory, aqyn Qadyr Myrza Áliniń eskertkishine gúl shoǵyn qoıdy.

Búgingi kúnniń basty jańa­lyǵy – Qadyr ortalyǵynan der­­bes Kúı bólmesiniń ashylýy bol­dy. Onyń lentasyn Batys Qazaq­stan oblystyq mádenıet basqarmasynyń basshysy Qa­dyrbolat Musaǵalıev pen kúı­shi Ermek Qazıev qıdy. Qalı Jantileýovtiń týǵan jıeni, dombyrashy Tólegen Qaıyrǵalıuly «Kúıshiler bólmesinen» bola­shaqta Qurmanǵazy, Seıtek, Dına, Dáýletkereı sekildi dáýlesker kúıshiler shyǵýyn Alladan tilep, aq batasyn berse, Ulmeken anamyz shashý shashty.

– Qadyr ortalyǵynyń jetek­shisi Baýyrjan Halıollanyń qoldaýymen berilgen bólmemizdi barynsha mazmundy bezendirýge tyrystyq. «Aıdar» sharýa qojalyǵynyń jetekshisi Aıdar Ǵafýuly demeýshi bolyp, dom­by­ra men qazaq kúı óneriniń tarıhyna, jergilikti kúıshilik mektepterdiń sabaqtastyǵyna arnalǵan birneshe kórnekilik taqta jasadyq. Oraldyq dombyra jasaýshy sheberlerdiń aǵa býyny sanalatyn Baqytkereı Súleımenov, Edige Nábıev, San­syzbaı Ahmetov, Asylan Serik­baevtardyń ónerin nası­hattaýǵa da kóńil bóldik. Degenmen, bú­gingi eń basty jańalyq – Kúı bólmesinde ornatylǵan «elektrondy dombyra» boldy. Batys Qazaqstan oblystyq balalar tehnıkalyq shyǵarmashylyǵy ortalyǵynyń «Robottyq tehnıka» úıirmesiniń jetekshisi Mars Maqsot jasaǵan bul dom­byranyń ereksheligi – she­ginen shertip qalsańyz, kúı tó­gile jóneledi. Is-sharaǵa qatysqan halyqtyń bári osy elektrondy dombyraǵa qat­ty qyzyqty, ózge óńirlerden de tap­syrys túsip jatyr, – deıdi Asqar Ken­jeǵalıev.

Aqjaıyq óńirinde bi­raz jyldan beri dombyra, kúı ónerin damytý, tarıhı tul­ǵalardy dá­ripteý jolynda qyzmet etip, bel­gili ónerpaz Muhıt Aıtqalıev haqynda kitap shyǵarǵan Asqar Kenje­ǵalıev elimizde Ulttyq dombyra kúni merekesi paıda bol­ǵanyna erekshe rıza. «Qazaq kúı­shileri respýblıkalyq deń­geıde qoldaýǵa zárý» degen As­qar Muhambetqalıuly ardager kúı­shilerdi qoldaý, sábılerge bala­baqshadan bastap dombyra álippesin úıretý sekildi naqty usynystaryn aıtyp otyr.

Kúı bólmesinde dombyra úıretý mektebi jumys isteıdi. Sondaı-aq munda dombyra, kúı tarıhyna, kúıshilerdiń ómiri men shy­ǵarmashylyǵyna arnalǵan tár­bıe saǵattary, tanymdyq keshter uıymdastyrylmaq.

Batys Qazaqstan oblysy