Densaýlyq salasyndaǵy túıtkilder azaımaı tur

Eń aldymen Densaýlyq saqtaý salasyn damytýdyń 2016-2019 jyldarǵa arnalǵan «Densaýlyq» memlekettik baǵdarlamasyn jú­zege asyrý boıynsha bıyl jar­­ty jylda atqarylǵan ju­mys­­tar qorytyndylandy. Bul boıyn­sha baıandama jasaǵan Densaý­lyq saqtaýdy damytý respýb­lı­kalyq ortalyǵynyń bas dırek­tory Aınur Aıyphanova jos­par­dyń oıdaǵydaı oryndal­maı jatqanyn jasyrmady. «О́kinishke qaraı alty aılyq qorytyndy boıynsha 39 kór­set­kishtiń toǵyzy josparǵa saı emes. Atap aıtqanda, Qostanaı, Mańǵystaý oblystarynda 8 ındıkator kórsetkish boıynsha jos­parly deńgeıge jetpedi. Onyń ishinde ana ólimi, náreste ólimi, jalpy ólim, júrek-qantamyr aýrýlary tómendemeı tur. My­saly, ana ólimi boıynsha kór­set­kish shamadan tys joǵary. Iаǵnı 100 myń jańa týǵan náres­tege shaqqanda Qostanaıda 36,1, Qaraǵandy óńirinde 26,4 jáne Atyraý oblysynda 25,2 kórset­kish. Aqtóbe, Atyraý jáne Sol­tústik Qazaqstan oblysynda da jaǵdaı máz emes. Al jalpy ólim boıynsha Soltústik Qazaqstan, Qostanaı, Qaraǵandy jáne Shyǵys Qazaqstan oblystarynda jospardaǵy kórsetkishten asyp bara jatyr», dedi ol.

Sondaı-aq onyń aıtýynsha, alǵashqy medısınalyq járdem boıynsha da túıtkildi máseleler áli bar. Ásirese, emhanalardaǵy jalpy tájirıbelik dárigerdiń júktemesi áli de bolsa azaımaı otyr. «Jospar boıynsha bir jalpy tájirıbelik dárigerge 1700 adam qaralýy kerek bolsa, Al­maty oblysynda bir dárigerge 2900 adam, Qostanaıda 2700 adam, Pavlodarda 2500 adam qara­lady. Bul kórsetkishter jyl saıyn azaıýy kerek edi. Mun­daı­­da jalpy tájirıbelik dári­ger­­­lerdiń jalaqysyn ósi­rip, áleý­­­mettik kómek kórsetý arqy­ly olardyń jekemen­shik emha­na­­larǵa ketip qalmaýyna jaǵdaı jasaý kerek», dedi ol.

Bıyl maýsym aıynda Pre­mer-Mınıstr Asqar Mamın me­dısı­nalyq-sanıtarlyq alǵash­qy kómekti damytý jónindegi 2019-2020 jyldarǵa arnalǵan is-sharalar josparyn bekit­ken bolatyn. Osy negizde qolǵa alynǵan jumystarǵa toqtalǵan Aınur Aıyphanova: «Buryn mundaı josparlar mınıstrliktiń deńgeıinde ǵana bekitiletin. Al bul ókimniń Úkimet deńgeıinde bekitilýi arqyly jergilikti atqa­rý­­shy organdardyń belsen­diligin ar­ttyrýǵa múmkindik týdy. My­saly, maman jetispeýshiligin azaı­tý maqsatynda sol jospar negi­zinde bıyl medısına salasyn bitirgen jas dárigerlerdiń jartysy aýyldyq jerlerge jiberildi. Sondaı-aq medısına salasynyń mamandaryn daıyndaýǵa ar­nal­ǵan granttardyń kóbi jal­py tájirıbelik dáriger mamandy­ǵyna bólinedi. Taǵy bir jaǵymdy jańalyq – bıyl kúzden bastap tuńǵysh ret jalpy tájirıbelik dárigerdiń rezıdentýrada oqýyna 700-deı oqý granty bólinbek. Osy arqyly san da, sapa da artatyny málim», dedi.

Budan ózge alqaly jıynda 2019-2020 jyldardy qamtıtyn bastap­qy medısınalyq-sanıtar­lyq kómekti damytý sharalary­nyń jospary, 2019 jylǵa arnal­ǵan ana ólimin azaıtý boıynsha jedel jospar, 2019-2021 jyl­dar­ǵa arnalǵan balalar ólimin azaıtý boıynsha sharalar jos­pa­ry, kadrlyq qamtamasyz etý jáne densaýlyq saqtaý salasynyń qyz­metkerlerin áleýmettik qol­daý, densaýlyq saqtaý salasyna ınves­tı­sııalar tartý máselesi qaraldy.