Qazaqstanda «Qazaqstan Respýblıkasynyń keıbir zańnamalyq aktilerine salyq salý máseleleri boıynsha ózgerister men tolyqtyrýlar engizý týraly» Ulttyq ekonomıka mınıstrligi ázirlegen zań jobasy sheńberinde kóppáterli úılerdiń menshik ıeleri úshin jer salyǵyn joıý jáne jeke tulǵalardan alynatyn múlik jáne jer salyǵyn bir salyqqa biriktirý usynylýda. Bul týraly QR Ulttyq ekonomıka mınıstrliginiń baspasóz qyzmeti habarlaıdy.
Bul ózgeristiń basty maqsaty – jeke tulǵalardyń múlik pen jer salyǵyn tóleýin jeńildetý.
Zań shyǵarýshylar jeke tulǵalardyń múlik jáne jer salyǵyn salyq salý nysany, salyq bazasy, mólsherleme, esepteý jáne tóleý sekildi salyq elementterin ózgertpeı, biriktirýdi usynyp otyr. Eki salyq bir tólemmen alynady. Mólsherleme burynǵydaı, eshteńe qymbattamaıdy, tek salyq tóleý tásili qolaılyraq bolmaq. Osy kúnge deıin eki túrli salyq, túrli esepteý ádistemesi, eki túbirtek salyq tóleýshige qolaısyzdyq týdyryp keldi.
Al kóppáterli turǵyn úıdiń menshik ıelerine salynatyn jer salyǵyn múlde joıý kózdelýde. О́ıtkeni bolmashy salyq úshin nysannyń kóptigi men esepteýdiń qıyndyǵy sebepti ákimshilendirýge kóp shyǵyn ketedi.
Qazirgi ýaqytta qujat memlekettik organdarda kelisý rásiminen ótkizilýde. Aǵymdaǵy jylǵy kúzde ony Parlamentke engizý josparlanýda.
Qujattyń mátini Mınıstrliktiń resmı saıtynda jáne normatıvtik quqyqtyq aktilerdiń ashyq portalynda ornalastyrylǵan.
Normalardy engizýdiń josparlanǵan merzimi – 2020 jyl.