Qazaqstan ulttyq quramasy Sankt-Peterbýrg qalasynda ótken IEO 2019 oqýshylar arasyndaǵy halyqaralyq olımpıadasynda eki qola medal jeńip aldy.
IEO 2019 úsh kezeńiniń nátıjeleri boıynsha jeke jáne komandalyq synaqtarda jeńimpazdar anyqtaldy. Osylaısha, Qazaqstan quramasynyń qorjynyna qaraǵandylyq Aıǵanym Dáýpbaeva men elordalyq Erkejan Baltasheva jeke esepte eki qola medal ákeldi. Jınalǵan upaı sany boıynsha jeke esepte absolıýtti jeńimpaz bolyp Qytaıdan kelgen Endrıý Peı atandy. Ekinshi orynda Brazılııalyq Gılermo Kýtrım Kosta, úshinshi orynda Jańa Zelandııadan kelgen Maksımılıan Sýrveıor.
Jarysqa 24 elden 29 komanda qatysty. Olımpıadanyń barlyq jeńimpazdary 2020 jyly NIÝ VShE ekonomıkalyq baǵdarlamasyna oqýǵa túsý múmkindigine ıe boldy.
Aıta ketý kerek, qazaqstandyq ulttyq kezeńder ekinshi jyl qatarynan «Astana» Halyqaralyq qarjy ortalyǵynyń Úzdiksiz kásibı damý Bıýrosy alańynda ótkiziledi. AIFC Finance Olympiad jeńimpazdary IEO halyqaralyq kezeńinde eldi tanystyrýǵa múmkindik alady.
Ekonomıka boıynsha halyqaralyq olımpıada 2018 jyly Máskeýde alǵash ret ótkizildi. Qazaqstan 2020-shy jyly jarysty Nur-Sultan qalasynda AHQO Bıýrosy alańynda qabyldaıdy.