Atalǵan ortalyqta azamattardy eńbekpen qamtý ǵana emes, jeke bıznesterin ashýǵa da qol ushyn beredi. Qazir qaladaǵy «Kenjehan» jáne «Kókbazar», eki temirjol beketi men Túrksib jármeńkesinde dál osyndaı 5 ortalyq jumys istep jatyr. Jaýapty mamandar, jurt kóp shoǵyrlanǵan aýmaqtarǵa taǵy jeteýin ashý kózdelgenin aıtady.
«Jumys izdep kelgen azamattar ózderiniń qabiletin kórsetip, bilimi bári sáıkes kelip, jumys ótili bar bolatyn bolsa biz olardy tikeleı jumysqa orlanalastyrýǵa múmkindik jasaımyz. Bizde Eńbek portaly boıynsha jáne Atameken qoldaý ortalyǵynyń óziniń jumystar tizimi bar. Sol tizim boıynsha birneshe jumys túrlerin tabystap, sol arqyly jumysqa ornalasýǵa múmkindik beremiz», – deıdi «Atameken» qoldaý ortalyǵynyń menedjeri Farıza Ergebekova.
Jumyssyzdar men ózin-ózi eńbekpen qamtýshylardyń 500 myń teńgelik grant utýǵa da múmkindikteri bar. Ol úshin bir aılyq kásipkerlik kýrs oqýlary qajet. Al, qandaı mamandyq tańdaryn bilmeı júrgenderge ortalyqtaǵy psıhologtar baǵyt-baǵdar kórsetip, tegin oqýlarǵa jiberedi. «Joba oıdaǵydaı júzege asar bolsa talaı azamattyń turmys jaǵdaıy túzelip, jumysqa ornalasýyna jol ashylar edi», deıdi ortalyqqa kelgen qala turǵyndary.
ALMATY