2019 jyly 1 tamyzda Alakól kóline «Kóktem Grand» qonaq úıi basseıniniń qubyrynan laıly sýdy aǵyzý faktisi boıynsha, «Kazgıdromet»-tiń Almaty oblysy boıynsha fılıalynyń qyzmetkerleri sol kúni Alakólge jedel túrde shyqqan edi. Bul týraly uıymnyń baspasóz qyzmeti habarlady.
Mamandar jospardan tys kóldiń 5 núktesinde sý synamasyn tekserdi.
Zerthanalyq taldaý sý sapasynyń 45 fızıkalyq-hımııalyq kórsetkishteri boıynsha júrgizilgen, sonyń ishinde basty ıondar, bıogendi, organıkalyq zattar jáne aýyr metaldar bar.
3-4 tamyzda alynǵan nátıjeler boıynsha sý synamalarynda hlorıdter (3,8 ese), magnıı (3,3 ese), mııneralızasııa (3,2 ese) jáne ftorıdter (3,6 ese) joǵary kórsetkishte bolǵan.
Esterińizge sala ketsek, áleýmettik jelilerde Alakólge qubyr arqyly las sýdyń qosylyp jatqany týraly beınejazba taralyp edi. Málim bolǵandaı, kól arnasyna quıylǵan sý jaǵajaıdaǵy «Kóktem Grand» demalys orynynyń basseıninen aqqandyǵy anyqtaldy.