#Birge #Taza Qazaqstan ekologııalyq aksııasy oblysta 27 shildede bastalǵan-dy. Osy ýaqyt aralyǵynda óńirdegi sý qoımalary men demalys aýmaqtarynan tonnalaǵan qoqys shyǵaryldy. Ásirese aksııanyń ekinshi aptasyna aımaq turǵyndary belsene qatysty. Bul jolǵy tazalyq sharasyna 30 myńǵa jýyq adam jınaldy. Semeı 13 myń adammen kósh bastasa, О́skemende – 7350, Altaıda 2312 adam qoldaryna kúrek-tyrma ustady.
Erekshe atap óterligi, aksııa sheńberinde oblys aýmaǵyndaǵy 70 sý nysany, atap aıtsaq, Úlbi, Ertis, Shaǵan, Qarashoqy, Aıagóz, Janama ózenderi, Alaıǵyr bulaǵy, Balyqtykól, Shalqar kólderiniń jaǵalaýy qoqystan tazartyldy. Bul kúni tabıǵatqa, qorshaǵan ortaǵa beıjaı qaramaıtyn shyǵysqazaqstandyqtar 740 tonna (2960 tekshe metr) qoqys jınapty. «Onkolog dáriger retinde qorshaǵan ortanyń tazalyǵy tikeleı adam densaýlyǵyna áser etetinin jaqsy túsinemiz. Sodan da bolar, tazalyq estafetasyn qýana qabyldap, ár apta saıyn qatysýdy josparlap otyrmyz. Bul shara jerimizdi taza qylyp qana qoımaı, adamdardyń mádenıetin, tabıǵatqa degen qurmetin qalyptastyrady dep oılaımyn», deıdi Shyǵys Qazaqstan oblystyq kópsalaly onkologııa jáne hırýrgııa ortalyǵy dırektorynyń orynbasary Arman Muqajanov.
Eske sala keteıik, tazalyq aksııasy ár apta saıyn qyrkúıek aıynyń sońyna deıin jalǵasady.
Shyǵys Qazaqstan oblysy