Tashkent qalasynda transqazaqstandyq baǵyttarda konteınerlik servısin damytý perspektıvalary jáne jańa múmkindikteri týraly bıznes-forým sheńberinde «KTZ Express» AQ jańartylǵan qyzmet túrleriniń tusaýkeseri ótti. Bul týraly «Qazaqstan temir joly» UK» AQ baspasóz qyzmeti habarlady.
Atalǵan sharaǵa О́zbekstannyń múddeli memlekettik organdarynyń, júzden asa saýda jáne kólik-logıstıkalyq kompanııalar ókilderi qatysty.
Tusaýkeser barysynda «KTZ Express» AQ Bas dırektory Dmıtrıı Abdýllaev kompanııanyń «halyqaralyq kólik dálizderi men óziniń ınfraqurylymdyq múmkindikterin paıdalana otyryp, az shyǵyndy tasymaldardy júzege asyryp, klıentke baǵyt ustaný deńgeıin arttyryp, servısti keńeıtý boıynsha belsendi jumys júrgizip jatqanyn» alǵa tartty.
«KTZ Express» AQ jańartylǵan bıznes-modelinde «sýyq poıyz» rejımindegi konteınerlik tasymaldardy uıymdartyrý men LCL-tasymal, shaǵyn júkterdi tasymaldaý, qoımalyq logıstıka, logıstıkalyq aýtsorsıng, óndiristik logıstıka sııaqty baǵyttar jumys isteıdi.
Kaspıı fıderlik jelisin paıdalanyp turaqty konteınerlik tasymaldardy uıymdastyrýǵa, sonyń ishinde refrıjeratorlyq konteınerler parkin paıdalanyp, kompanııa qyzmetiniń negizgi baǵyttaryna jáne logıstıkalyq jobalarǵa úlken nazar aýdarylýda.
Kompanııa syrtqy +50 den -50 deıingi gradýsta +20 dan -20 gradýsqa deıin ishki temperatýrany avtomatty saqtaý rejımindegi 27 tonnaǵa deıin júkkóterimdi 45-fýttyq refrıjeratorlyq konteınerlerge ıe. Konteınerdiń uzartylǵan bazasy tek qana ishki kólemdi 80 tekshe metrge deıin ulǵaıtyp ǵana qoımaıdy, sonymen birge 800 lıtr kólemindegi otyn bagyn ornatýǵa múmkindik beredi. Tońazytqysh qurylǵysy dızel-generatordyń arqasynda avtonomdy 20 táýlikten astam jumys isteı alady. Tasymaldyń osyndaı túri turaqty konteınerlik poıyzdardyń júris-turysyn qamtamasyz etýge múmkindik beredi. Temperatýralyq ózgeristerge sezimtal júkter jyl boıy jetkiziledi.
Búgingi tańda konteınerlik servıs Reseı, Ortalyq Azııa, Eýropa men Qytaı arasyndaǵy baǵyttarda jolǵa qoıylǵan, О́zbekstannan Reseı men Qazaqstanǵa «sýyq poıyz» rejıminde refrıjeratorly konteınerlik tasymaldy damytý máselesi belsendi pysyqtalýda. Servıstiń jumys qýatyna shyǵýymen turaqty túrde aptaı saıynǵy konteınerlik jóneltilim júzege asyrylady dep josparlanýda.
Tolyqtaı alǵanda refrıjeratorly konteınermen tasymaldaý elektronıka, medısınalyq pen farmasevtıkalyq taýarlardy, tońazytylǵan jáne sýytylǵan ónimderdi, jemis-jıdekterdi qosqanda, temperatýralyq rejımdi saqtaýdy talap etetin júkterdi tasymaldaý kólemin arttyrýǵa yqpal etedi.
Forým qatysýshylaryna sondaı-aq Kaspıı teńizindegi qazaqstandyq jáne ázirbaıjandyq porttar arqyly, atalǵan baǵyt boıynsha júkaǵynynyń arttyrý jáne jaǵrafısyn ary qaraı keńeıtý maqsatymen Túrkııa men Eýropaǵa, Qarateńiz basseıni elderine, ózbektiń júkterin jetkizýdiń balama joly retinde Transkaspıı baǵyty múmkindikteri pash etildi.
Bıznes-forým Qazaqstannyń kóliktik áleýetin júzege asyrýǵa jáne kóliktik qyzmettiń sapasyn arttyrýǵa, logıstıkalyq servıs, óndiristik kooperasııa salasyndaǵy Qazaqstan men Ortalyq Azııa elderi arasyndaǵy óńiraralyq yntymaqtastyqty damytýǵa yqpal etetin bolady.