Qyzylordada 2003-2005 jyldary týǵan jasóspirimder arasynda asyq atýdan ótken Qazaqstan chempıonatynda Qaraǵandy oblysynyń komandasy kúmis medalǵa ıe boldy.
Ulttyq sport oıynynyń dodasyna Aqmola, Soltústik Qazaqstan, Qostanaı, Jambyl, Qaraǵandy oblystarynan jáne Nur-Sultan, Shymkent qalalarynan barlyǵy jeti komanda qatysqan bolatyn.
Chempıonatta Qaraǵandy oblysynyń namysyn Shet aýdanynyń quramynda Nursultan Kákenov, Aısultan Buǵybaı jáne Dáýlet Kamal sııaqty oıynshylar bar komandasy qorǵady. Qolmergen balaqaılardy bapker Erkebulan Aqyjanov birneshe jyldan beri aqysyz negizde jattyqtyrady eken.
– Biz úshin bul úlken jetistik. Balalardy jattyqtyryp júrgenime jeti boldy. Aýdanymyzda barlyǵy júzge jýyq bala asyq atý sportymen áýestenedi jáne osy ulttyq oıynnyń tanymaldyǵy jyl saıyn artyp keledi. Biz Qazaqstan chempıonatyna tyńǵylyqty daıyndaldyq. Tek Nur-Sultan komandasynan ǵana jeńildik. Alda bizdi áli talaı jeńisterdiń kútip turǵanyna senimdimin, – deıdi komanda bapkeri Erkebulan Aqyjanov.
Qaraǵandy oblysy