Prezıdent Qasym-Jomart Toqaev Erlan Baltabaı men Iаroslav Golyshkınge raqymshylyq jasady. Bul týraly QazAqparat Prezıdenttiń baspasóz hatshysy Berik Ýálıge silteme jasap habarlaıdy.
Pavlodardaǵy «Versııa» gazetiniń bas redaktory bolǵan Iаroslav Golyshkın 2015 jyldyń 30 qazanynda bopsalaý jáne kámelet jasyna tolmaǵan tulǵany aýyr qylmysqa tartý baptary boıynsha sot sheshimimen 8 jylǵa bas bostandyǵynan aıyrylyp, búkil múlki tárkilengen bolatyn.
Al Shymkent qalasyndaǵy «Laıyqty eńbek» kásipodaq qozǵalysynyń jetekshisi bolǵan Erlan Baltabaı bótenniń senip tapsyrǵan múlkin ıelený baby boıynsha 7 jylǵa sottalyp, qoǵamdyq uıymdar men kommersııalyq emes uıymdardy basqarý quqyǵynan aıyrylǵan. Oǵan kásipodaqqa tıesili 10,8 mln teńgeni jymqyrdy degen aıyp taǵylyp, sot kináli dep sheshken bolatyn.