Elordada Bilim jáne ǵylym mınıstrliginiń qoldaýymen «JOB FAIR-2019» bos oryndar jármeńkesi ótti. Sharanyń negizgi maqsaty – qazaqstandyq jáne halyqaralyq jumys berýshilerdi shaqyra otyryp, «Bolashaq» baǵdarlamasynyń túlekterin, sondaı-aq shetelde oqyǵan barlyq túlekterdi jumysqa ornalastyrý. Bul jármeńkeni jumys berýshiler men izdenýshiler kezdesetin tıimdi alań desek bolady.
«Atalǵan sharany «Halyqaralyq baǵdarlamalar ortalyǵy» AQ bıyl jetinshi jyl qatarynan ótkizip otyr, ıaǵnı 2012 jyldan beri uıymdastyrylyp keledi. Jumys berýshiler túlekterdi qabyldaý barysynda túrli satydan ótkizedi. Birinshi, úmitkermen suhbattasý, qujattarymen tanysý. Odan keıin jumys usynýshy ózine unaǵan talapkerdiń biliktiligin tekserý úshin test tapsyrmalary arqyly synaqtan ótkizedi. Aıta ketetin taǵy bir jaıt, biz osy jármeńke bitkennen soń árbir jumys berýshi kompanııalarmen habarlasyp, qansha bala qabyldaǵany jóninde esep alatyn bolamyz», dedi «Halyqaralyq baǵdarlamalar ortalyǵy» AQ prezıdentiniń mindetin atqarýshy Ǵalııa Baıjanqyzy.
Bul sharaǵa 80-nen astam jumys berýshi qatysyp, tanystyrylymdar men vorkshoptar jáne de sheberlik saǵattaryn ótkizdi. Olarǵa irikteý týrlaryn (suhbattasý, áńgimelesý) júrgizýge múmkindik berildi. Jármeńkege halyqaralyq ýnıversıtetterdi támamdaǵan 500-ge jýyq túlek qatysty.