Jastar jyly aıasynda Qazaqstan Respýblıkasy Aqparat jáne qoǵamdyq damý mınıstrligi men Azamattyq bastamalardy qoldaý ortalyǵynyń granty aıasynda kóptegen jobalar júzege asyrylýda. Solardyń biri - Qazaqstan KVN Odaǵy Respýblıkalyq jastar qoǵamdyq birlestigimen uıymdastyrǵan jazǵy festıval.
Nur-Sultan qalasynda ótken jaıdarman oıyndarynyń respýblıkalyq jastar jazǵy festıvaline elimizdiń ár aımaǵynan óner kórsetýge nıetti toptar sany jyl sanap artyp keledi. Bıylǵy saıysqa Joǵary lıgada baq synap jatqan jaıdarman juldyzdary men jas komandalardan quralǵan 15 top qatysty. О́nerleri men tapqyrlyqtary teń túsken jaıdarman toptaryna Dana Nurjigit, Baqtııar Artaev, Dáýlet Káribek, Baqtııar Máken, Erlan Ańdasbaev esimdi tulǵalar qazylyq etti.
Atalǵan oıynda Qazaqstan Temirjoly ulttyq kompanııasynyń quramasy, «Mańǵystaý.kz», «Medıým» Taraz qalasy, «Kvartal» Oral qalasy, «Qazaqpyz ǵoı» Pavlodar qalasy, «AQ quramasy» Semeı qalasy, «Brend» Qostanaı qalasy, «Áýezov quramasy» Semeı qalasy, «Saryarqa quramasy» Nur-Sultan qalasy, KazATK – Almaty qalasy, «Grasııa» Nur-Sultan qalasy, «Jarlyózek» Almaty oblysy, «Ekonom klass» Aqtóbe qalasy, «Med ýnıver» Semeı qalasy, «Daryn» Qostanaı qalasy jáne «Qazaly» Qyzylorda oblysy komandalary baq synap, kórermenderdiń kóńiin kóterýge tyrysty.
Saıys qorytyndysy boıynsha júldeli úshinshi oryndy Q. Jubanov atyndaǵy Aqtóbe óńirlik memlekettik ýnıversıetiniń jastarynan quralǵan «Ekonom klass» komandasy ıelense, kúmis júlde ıaǵnı ekinshi oryn Elordanyń «Saryarqa quramasyna» buıyrdy. Al respýblıkalyq deńgeıde alǵash ret sahna tórine shyqqan Shyǵys Qazaqstandyq «AQ» komandasy «Jazǵy festıval jeńimpazdary» atanyp, úlken kýbokti ıelendi. Halyqaralyq jastar kúnine arnalǵan saıys joǵary deńgeıdi ótip, osylaısha jas komandalardyń jaıdarman álemindegi qanattarynyń keńge jaıylýyna múmkindik berdi.