Qazaqstandyq kásipqoı boksshylar Aıdos Erbosynuly men Nursultan Jańabaev Aýstralııa astanasy Sıdneıde ótken boks keshinde sharshy alańǵa shyǵyp, qarsylastarynan basym tústi.
Ekinshi orta salmaq dárejesinde judyryqtasatyn Aıdos Erbosynuly (12-0, 8 KO) jergilikti boksshy Rokkı Djerkıchpen (17-2, 13 KO) judyryqtasyp, WBA Inter-Continental, WBO Global jáne WBC Asia belbeýlerin qorǵap qaldy. 10 raýndqa josparlanǵan kezdesýde eki boksshy sońyna deıin judyryqtasyp, otandasymyz tóreshilerdiń sheshimi boıynsha upaı sanymen basym tústi. Al qarsylasy ekinshi ret jeńilistiń kermek dámin tatty.
Jartylaı orta salmaqtaǵy Nursultan Jańabaev ta (8-0, 5 KO) jergilikti boksshymen aıqas ótkizdi. 10 raýndqa sozylǵan bul jekpe-jekte de otandasymyz tóreshilerdiń biraýyz sheshimimen Stıvom Gagodan basym eseppen (11-1, 3 KO) jeńiske jetti. Sondaı-aq qandasymyz WBA Inter-Continental, WBO Oriental, IBF Pan Pacific beldikterin qanjyǵasyna baılady.