Ústimizdegi jyly oblys dıqandary 4 mıllıon 8 myń gektar alqapqa dán sińirgen bolatyn. Kóktem salqyn bolǵanymen, jaz ortasy aýa jaýyn-shashyn mol boldy. kópten beri bola qoımaǵan ystyq ta astyqtyń pisip jetýine yqpal etti.
Osynyń nátıjesinde oblystaǵy astyq shyǵymy kóz qýantarlyq. Endigisi jerde ósken dándi jerde qaldyrmaı, ýaqytynda jınap alý. Dıqandar qazir Arqa tósindegi alapat astyq joryǵyna qapysyz qamdanýda. Solardyń biri – Qorǵaljyn aýdanyndaǵy «Agrofırma jer-888» seriktestigi.
Áne bir jyldary Qarashalǵyn aýyldyq okrýginiń aýmaǵynan jer alyp, egin sebýmen aınalysqan maman agronom Abaı Medeýbaevtyń qıyndyqqa dýshar bolǵan kezi de bolǵan. Materıaldyq-tehnıkalyq jaǵdaıy máz emes edi. Bar bolǵany ábden qaýsaǵan eki-úsh eski kombaın, ár jerde shashylyp jatqan sebý agregattary. Kópten egin egilmegen alqaptardy da aramshóp basyp, ábden tozyp ketken. Áıtse de, qajyrly eńbekteriniń arqasynda qıyndyq ataýlynyń bárin jeńdi. jetistikke jetýge memleket tarapynan kóp kómek kórsetildi.
–Memleket jermen jumys isteıtin adamdarǵa barlyq jaqsylyqty jasady. Jańa tehnıka, qajetti mıneraldy tyńaıtqyshtar satyp alýǵa sýbsıdııa berip jatyr,–deıdi «Agrofırma jer-888» seriktestiginiń dırektory Abaı Medeýbaev
Qazirgi jaǵdaı múldem basqasha. Kórseń, kóńil qýantarlyqtaı. О́nimdiligi joǵary sheteldik jańa tehnıkalar dala qosynynyń janynda qaz-qatar sap túzep tur. Seriktestik burynǵydaı emes, jınalǵan astyqty ózderi suryptap, keptirip, saqtaı alady. Jańadan salynyp jatqan astyq qoımasyna 5 myń tonnaǵa jýyq dán sııady.
Bul sharýashylyq ústimizdegi jyly 10 myń gektardan astam alqapqa bıdaı sepken. Jańa astyqtyń ár aınalymynan 11 sentnerden ónim alamyz dep mejelep otyr.