Aqmolalyq polıseıler Damsa aýylyndaǵy qarttar úıine baryp qaıtty. Jylyjúzdi júzdesýden keıin Naýchnyı eldi mekenindegi jańa ýchaskelik polısııa beketiniń ashylý saltanatyna qatysty.
Qazirgi kúni qarttar úıinde 46 qarııa turyp jatyr. Atalmysh mekeme qyzmetkerleri qarttar úıindegi áleýmettik-turmystyq jaǵdaımen tanystyryp, qarııalardyń tynys-tirshiligin, olarǵa jasalyp otyrǵan qamqorlyqty kórsetti. Munda egde adamdarǵa jap-jaqsy jaǵdaı jasalǵan. Sál taratyp aıtatyn bolsaq, eńbek terapııasy kabınetinde zeınetkerler shyǵarmashylyq qabiletterin shyńdaı alady. Al mekeme aýmaǵyndaǵy jylyjaıda qııar, qyzanaq, kádi egedi. Onyń dámin ózderi tatady. О́mir bolǵan soń taǵdyr joly da sanalýan. Osy jerde shańyraq kóterip jatatyndar da bar eken.
Kezdesý barysynda qarııalarǵa arnaıy syı-sııapat jasalyp, eskiniń esti ánderi shyrqalǵan kóńildi konsert uıymdastyryldy. Ortalyqta zeınetkerlerden basqa tıisti medısınalyq qyzmet alyp jatqan múgedek jandar da turady.
Quqyq qorǵaý qyzmetkerleriniń jumys sapary barysynda ýchaskelik polısııa beketiniń ashylý saltanatyna qatysty. Mekeme kompıýterlik tehnologııalarmen, baılanys quraldarymen jabdyqtalǵan.