Qazirgi tańda qazaq kúresiniń qadamy jaqsy. Halyqaralyq arenada tanylyp jatyr. Sonyń biri ótken senbi, jeksenbi kúnderi Mońǵolııa astanasy Ulan-batyr qalasynda qazaq kúresinen Azııa chempıonaty ótti.
Atalmysh jarys segiz salmaq kategorııasy boıynsha uıymdastyrylyp, oǵan 11 memleketten 130-dan astam balýan qatysty. Sonymen qatar ár salmaqtyń jeńimpazyna 1000, kelesi oryndarǵa 500 jáne 300 AQSh dollary syılansa, chempıonatty ótkizýshiler kórermen qaýymdy yntalandyrý úshin sý jańa «Toyota prius 30» markaly jeńil kóligin «Baqytty bılet» ıesine tabystady.
«Bul shara jarys mańyzyn arttyrýmen qatar, kórermenderdiń kóp kelýine aıryqsha yqpal etti», deıdi atalmysh eldegi Qazaq kúresi federasııasynyń prezıdenti, dzıýdo kúresinen álem jeńimpazy jáne Olımpıadanyń qola júldegeri, eresekter arasynda sambodan eki dúrkin álem chempıony, ataqty balýan Saǵanbatyr Qashbatyr myrza.
Qurlyq chempıonatynyń qorytyndysy boıynsha, 5 altyn, 6 kúmis, 6 qola medalǵa ıe bolǵan mońǵolııalyq balýandar komandalyq esepte top bastasa, kelesi orynǵa 3 altyn, 3 kúmis, 3 qola medalǵa qol jetkizgen qazaqstandyq sportshylar ıe bolyp, 55 kılo salmaqta Narıman Tutqyshev, 60 kıloda Elaman Qýanbaı, 100 kıloda Maqsat Isaqabylovtar jeńis tuǵyrynan kórindi.
Jarystyń «Úzdik balýany» retinde 74 kılo salmaqta jeńimpaz atanǵan japon jigiti Sato Iýıaa tanylsa, «Úzdik tóreshi» ataǵy Ýkraına eliniń mamany Vıktor Kýropıotıkke buıyrdy.