Salany qoldaý jaıy nazarǵa alyndy

Kezdesý barysynda Má­ji­listiń negizgi zańshyǵarýshylyq qyz­meti, memlekettik baǵdarla­ma­lardyń iske asý jaıy baıan­dalyp, mindetti áleýmettik saq­tandyrýǵa qatysty máseleler kóterildi.

Is-sharaǵa Almaty qalasy Qo­ǵamdyq densaýlyq saqtaý basqarmasynyń basshylary men qalalyq máslıhat depýtattary, partııanyń qalalyq fılıalynyń ókilderi jáne t.b. qatysty.

Uıym qyzmetkerleri óz tara­pynan densaýlyq saqtaý sala­syndaǵy aqparattyq júıeler, qoǵamdyq kólik máselesi, bas­panamen qamtamasyz etý jáne jalaqy máselesine qatysty saýal­daryn qoıdy.

– Jumys sapary aıasynda biz Balalardy erte ońaltý orta­ly­ǵyna keldik. Bul ońaltý orta­lyǵy balalarymyzǵa óte qajet. Almatynyń ózinde osyn­daı tórt ortalyq bar. Másele­lerdi Nur Otan partııasymen birlese qarastyryp, ortalyq ap­pa­ratqa joldaımyz jáne Máji­liste, Úkimet aıasynda kóte­remiz. Ortalyqta 65 bala bar, jaǵ­daılary jaqsy. Mindetti túrde tek qana qalada emes, aımaqtarǵa da baryp júrmiz. Saılaýshylarǵa barǵan kezde túrli suraqtar týyndaıdy. Ásirese áleýmettik tólemder, jer, baspana  máselesi kóteriledi. Byltyr densaýlyq saqtaý sala­synda jalaqy 30%-ǵa kóte­rildi. Endi muǵalimderge jaǵdaı jasa­lyp jatyr. Olardyń jala­qy­sy 4 jyldyń ishinde eki esege kóteriletin bolady, – dep atap ótti Z. Balıeva.

Sondaı-aq kezdesýde bala­lar­dyń keshendi kómek alýǵa múm­kindigi bolýy úshin osyndaı or­talyqtardyń kóp salaly ba­ǵytqa aýysýy qajet ekendigi atap ótildi.

Kezdesý sońynda Almaty qa­lasy Qoǵamdyq densaýlyq saq­taý basqarmasy basshysynyń orynbasary A.Bısenbaeva jáne ortalyq dırektory N.Tólekova ujym atynan Z.Balıevaǵa orta­lyqqa kelip, áleýmettik jáne densaýlyq saqtaý salalaryndaǵy reformalardy túsindirgeni úshin alǵysyn bildirdi.  

Ortalyq 75 balaǵa arnalǵan. Balalar 15 kún­nen em alyp, oǵan 3-ten 7 jasqa deıingi balalar qabyldanady. Ortalyqta medısınalyq qyz­met­ker­lerden basqa balalar­men ustazdar, logopedter men psıhologtar jumys isteıdi.  So­nymen qatar ortalyqta arnaıy sensorly bólmede sóıleý qa­bileti tómen balalarǵa jeke já­ne toptyq sabaqtar uıymdas­ty­ry­lady.

ALMATY