Jasybaı kóline jastardy mentorlyq lagerge shaqyrdy

Joba Jastar jylyna ar­­­naldy. Negizgi maqsaty – jas­tardyń ómirden óz joldaryn taba bilýine kómektesý, kásipkerlikke úıretý, jas­tardyń kásibı biliktiligin art­­tyrýǵa, tulǵalyq damýy men ózin ózi tanýlaryna men­to­rıng ádisi (tálimgerlik) ar­q­yly járdemdesý. Baıan­aýyl­dyń Jasybaı kóli ja­ǵa­syndaǵy mentorlyq la­gerdiń ashylýyna Májilis depýtaty Arman Qojahmetov, «KAZBRANDS» uıymynyń qamqorshylar keńesiniń tór­aǵasy Nurlan Jazylbekov, jo­ba jetekshisi Janna Qaı­­kenova, S.Toraıǵyrov atyn­daǵy memlekettik ýnıversıtet rek­tory mindetin at­qa­rýshy Meıram Begentaev qatysyp, jastarǵa arnap sóz sóıledi.

– Búgingi jıynnyń maq­sa­ty – tálimgerlik ıdeıa, tá­jirıbemen bólisý. Jal­py tálimgerlik árbir jas­tyń je­­ke tulǵa bolyp qa­lyp­­ta­sýyna jol ashady. Tá­lim­­­gerlik tabysqa jet­ki­zedi, – deıdi joba jetekshisi Jan­­­na Qaıkenova. Onyń aı­­týynsha, qazir eli­mizdiń 4 óńirinde jastarǵa tálimgerlik ádis jolyn úıretý bastal­ǵan. Jastar lageri alańy­na sertıfıkattalǵan qazaqstan­dyq tálimgerler Aıdar Ab­raev, Danııar Aı­tyshev, bloger Ánýar Sháripov, Lıdııa Taıjanova-Sherbınına qatysty.

Mentorlyq jastar lage­rin­degi tálimgerlik oqýlarǵa 4 kún boıy 13 pen 29 jas ara­­lyǵyndaǵy jergilikti mek­tep oqýshylary, stýdentter, kásipkerler, jumysshy jas­tar jáne aýyl jastary qatysty. Túrli qyzyqty debat­­tar, semınarlar, tre­nıng­ter jáne tálimger jetek­shi­lermen kezdesýler ótti.

Al jalpy mentorlar, ıaǵ­nı, tálimgerler qyzmetin ǵalym­dar, kásipkerler, sarapshylar, oqý oryndarynyń ustaz­dary, kásiporyn jetek­­shi­­­­­leri, memlekettik qyzmet­kerler de atqara alady. Olar ózara birlese jumys istep, tájirıbe almasý ádisi arqyly qoǵamdaǵy tálimgerlikti damyta alady. Mysaly, ár tálimger 7 jas azamatty qam­qor­lyǵyna alyp, olardyń alǵa qoıǵan maqsattaryn jú­zege asyrýǵa kómektese ala­­­­dy. Aýyl jastaryna nazar erekshe. Al trenıng-se­mı­­nar­lardan tálim alyp shyq­qan jastar tálimgerlik jol arqyly óz jumystaryn jalǵastyrady.

– Tálimger, mentor retinde meniń tálimgerim oqýda, mansap jolynda, bıznes salasynda jetistikke jetý jolyn ózi tańdaıdy. Psıholog, kásip­ker, jattyqtyrýshy sııaqty áriptesterim jastarǵa ózderiniń ómir tájirı­bele­rinen alynǵan maqsatqa jetý joldaryn jetkizedi, – deıdi tálimger Aıdar Abraev.

Oblys ortalyǵyndaǵy Zı­naıda Bagnenko basqaratyn «Samal» ońaltý ortalyǵynan kelgen múmkindigi shekteýli daryndy balalarǵa mentor retinde Farıza Esenbaeva da jaqsy kóshbasshy bola bildi. Mentorlyq lager jumysyna qatysqan Májilis depýtaty Arman Qojahmetovtiń aıtýyn­sha, tálimgerlik ıns­tı­týty degen qoǵam men mem­­­leket úshin mańyzy zor burynnan ke­le jatqan dás­túrli jol deý­­ge bolady. Qa­zirgi kúni de­ tálim­gerlik, jas­tarǵa jol kór­setý, qoldaý – ózek­ti.­ Ur­paq sabaqtastyǵy – qo­­­ǵam men memlekettiń da­mýyn­da­­ǵy mańyzdy faktor. Al jas­­tar kúndelikti úı­ren­shik­ti daǵdydan shy­ǵyp, jańa kóz­qarasqa, ýa­qyt­qa, ózgeriske ilese bilý kerek. Osy maqsatpen jı­nalǵan tálimgerler men jas­tar Tálim­gerlik tujyrym­damasyn tal­qylady. Sonymen qatar jo­ba jastardy tabysqa je­te­­leýge, yntalandyrýǵa, qu­­qyq­­tyq keńes be­rýge jáne tálim­gerlerdiń kó­megimen je­ke basynyń ósýi­ne yqpal etedi.

– Jalpy, mentorlyq joba memlekettiń qoldaýymen bas­taldy. Mentorlyq jumys bız­neske ǵana emes, barlyq salaǵa qajet. Memlekettik or­gandarda da ózekti. Qazirgi jastar óte bilimdi. Biraq ómir­lik tájirıbeleri az. Al olarǵa baǵyt-baǵdar beretin tálimger kerek, – deıdi qor­dyń jaýapty ókili Nurlan Jazylbekov. 

Baıanaýyldyń «Tuma» jas­tar qoǵamdyq birlestiginiń jetekshisi Batyrbek Arqar­baıulynyń aıtýynsha, aýyl jastaryn sharýashylyqtaǵy jumyspen shekteýge bolmaıdy. Olarǵa zamanaýı ǵylym-bilimniń tetikterin úıretý qajet. Osyndaı trenıngterdi jıi uıymdastyrý kerek. Men­torlyq trenıngter aýyl jas­taryn kásipkerlikke baý­lýǵa, osy salada óz ornyn tabýǵa múmkindik berdi.

– Alańǵa jınalǵan jas­tar­dan tálimgerler komanda jınady, jobalarmen ju­mys istedik. Tálimgerlik oqý­lar jastardy ózderine tanys kún­delikti ortadan shyǵyp, jan-jaǵyna basqasha kóz­qaraspen qaraýǵa úıretedi, – deıdi Batyrbek.

Al bizdiń túıgen oıymyz mynadaı: ókinishtisi, ádet­­­tegideı mundaı shara tek orys tilinde ótti. Qa­zaq ti­li qazaqtyń kórkem me­ke­ni Baıanaýyldyń Jasy­baı kó­liniń jaǵasynda es­til­medi. Jastarǵa tárbıe be­retin tálimger-mentor bol­ǵan túrimiz – osy. Jalpy, tálim­gerlik tájirıbe, mentor­lar, mentorıng ádisi degen damyǵan elderde burynnan qalyptasqan. Bizdiń elimizde de boldy, biraq joǵaltyp aldyq. Qazir qaıta jandaný jolyna túskeni kóńil qýantady.