Kókshetaýdaǵy «Dostyq» úıinde Dúnıejúzi qazaqtary qaýymdastyǵynyń Aqmola oblystyq fılıaly ashyldy.
Saltanatty rásimge qoǵamdyq birlestikterdiń ókilderi, qala turǵyndary kóptep jınaldy. Aýqymdy isterdi mejelep otyrǵan fılıal alǵashqy sátten-aq eldi eleń etkizdi. Aldymen «Mektepke jol» aksııasy aıasynda birneshe balaǵa oqýǵa qajetti qural-jabdyqtar tartý etildi. Nur-Sultan qalasy men Aqmola oblysy fılıaldarynyń basshysy Qarlyǵash Bekpatshaqyzynyń aıtýynsha, basty maqsat alystan kelgen aǵaıyn men baıyrǵy turǵyndar arasyndaǵy baılanysty nyǵaıtý. Tórteý túgel jerde tóbedegi keledi emes pe? Qajet bolyp jatsa járdem suraı kelgen qandastarǵa da qamqorlyq kórsetpek. Máselen, qujat rásimdeýden bastap, tirshiliktegi sanalýan túıtkilderdi sheshýge keleli keńes berý de kózdelgen.
Aqmola oblystyq ishki saıasat basqarmasy basshysynyń orynbasary Sabyrhan Kenjebaev, «Jebeý» respýblıkalyq qoǵamdyq birlestiginiń basshysy Omaráli Ádilbek jáne basqa da janashyr adamdar bul bastama aldaǵy aýqymdy sharalardyń negizin qalaıtyndyǵyna senim bildirdi.