On jeti muǵalim baspanaly boldy

О́ńirdegi oqýshylardyń UBT-ǵa qatysý úlesi 5 pa­ıyz­ǵa artyp, 76 paıyzdy qu­rady. Sheteldik joǵary oqý oryndaryna oqýǵa ketetin tú­lek­ter qatary da birshama azaıǵan. Bul kórsetkish 2016 jyly 1800 bolsa, bıyl 583-ke túsken. Bıylǵy oblys tú­lekteriniń 40 paıyzy tegin oqýǵa múmkindik alyp­­ty. Oblys bıýdjetinen osy maqsatqa qosymsha 400 grant bólinipti. О́skemende ót­­ken aımaqtaǵy bilim berý qyz­met­kerleriniń tamyz konfe­rensııasynda oblys ákimi Da­nıal Ahmetov osyndaı de­rek­­terdi keltirdi. «Shyǵys Qazaqstandaǵy barlyq 655 mek­tepti jańa modıfıkasııa kompıýterlerimen jáne ın­ter­aktıvti paneldermen jab­dyqtaýdy aıaqtadyq. Eki jyl ishinde 1125 muǵalim IT mamandyǵyn ıgerdi. Bıyl Semeı qalasynda álemniń úzdik tehnologııalaryn oqy­tatyn ınnovasııalyq mek­teptiń jobasyn jasaımyz. О́skemende 700 oryndyq daryndy balalarǵa arnalǵan mamandandyrylǵan matematıka mektebin ashamyz. Onyń 320-sy aýdandar men qala­lar­dan ke­letin balalarǵa arnalatyn bolady» dedi aımaq basshysy.

Konferensııa barysynda jyldaǵy dástúr boıynsha óńir­diń úzdik bilim oshaqtary anyqtaldy. Kókpekti aýda­nyn­daǵy J.Bolǵanbaev atyn­daǵy Samar orta mektebi «Úz­dik orta bilim berý uıy­my», Semeı qalasyndaǵy elek­trotehnıkalyq kolledj «Úzdik tehnıkalyq-ká­sip­tik bilim berý uıymy» baı­qaý­larynyń jeńimpazy dep tanylyp, eki mekemeniń bas­shylaryna 34 mıllıon teń­geniń sertıfıkaty ta­bys­taldy. Al aıagózdik Baq­ty­gúl Asylhanova «Úzdik tre­ner» atanyp, 500 myń teń­ge kólemindegi aqshalaı syı­lyqqa ıe bolsa, 170 myń teńge kólemindegi sertıfı­kat TKT ha­lyqaralyq emtıha­­nynyń qo­ry­tyndysy boıyn­sha aǵylshyn ti­li­niń ádis­temesinen joǵary kór­set­kishke ıe bolǵan Úrjar aýda­ny Aby­laı­han atyndaǵy orta mektep-ba­la­baq­shasynyń aǵylshyn jáne fransýz til­deri pániniń muǵalimi Gúljan So­ve­tovaǵa buıyrdy.

Bir qýanyshtysy, Danıal Ahmetov shara barysynda óske­mendik 10 mu­ǵalimge pá­ter kiltterin tabys et­ti. Oraıy kelgende aıta kete­ıik, О́skemen qalalyq ta­myz keńesinde de 7 er muǵa­limge páter kilti tartý etil­gen-di. «Sonda, jalpy sany 17 ustazymyz jańa oqý jylynda jańa qonysqa kóshe­tin bolady. Páter ıeleri atan­ǵan muǵalimderdiń 10-y er adamdar, kópshiligi jas ma­mandar. Bul mamandar tap­shylyǵy máselesin sheshýge, er adamdardy mektepke tartý boıynsha qaǵıdamyzdy iske asyrýǵa arnalǵan qadam­dar. Esterińizde bolsa, byl­tyrǵy tamyz keńesinde er muǵalimderdi pátermen qam­týǵa kóńil bóletinimizdi aıt­qan edim. Biz bul baǵyttaǵy ju­mystarymyzdy jalǵas­tyramyz, er muǵalimderdi qala mektepterine ju­mysqa shaqyramyz» deıdi О́skemen qalasynyń ákimi Jaqsylyq Omar.

Shyǵys Qazaqstan oblysy