Jańa Ata zań jobasyn qabyldaýǵa arnalǵan respýblıkalyq referendýmnyń ótýine sanaýly kúnder qaldy. Qoǵamda Konstıtýsııalyq reformanyń artyqshylyqtary men jańa Konstıtýsııa jobasynyń erekshelikteri týraly talqylaýlar qyzý júrip jatyr. Osy oraıda «Qazaqstandyq qoǵamdyq damý ınstıtýty» KeAQ Qoǵamdyq prosessterdi zertteý ortalyǵynyń basshysy Rızzat Tasym óz pikirin bildirdi, dep habarlaıdy Egemen.kz.
Sarapshy eń aldymen elimizdegi ultaralyq qatynastardyń damýy týraly oıymen bólisti. Onyń aıtýynsha, qazirgi Konstıtýsııalyq reforma – el ómirindegi eleýli saıası betburys.
«О́zim soltústik óńirdegi kópetnosty ortada ósip-jetilgendikten, bala kezimnen-aq ortaq múddeni uǵyný, ózara ymyraǵa kelý jáne etnıkalyq tatýlyqty saqtaý qundylyqtary sanama tabıǵı túrde sińdi. Osy ómirlik tájirıbe meni qoǵamdyq kelisim máselelerine beıjaı qaramaı, ony tereń túsinýge jeteledi. Sol sebepti QHA janyndaǵy Jas ǵalymdar klýbynyń múshesi, sondaı-aq uzaq jyldar boıy Aqmola oblystyq QHA ǵylymı-sarapshylyq keńesiniń múshesi retinde eldegi qoǵamdyq-saıası ózgeristerge baǵyttalǵan jańa betburysty erekshe serpin, mańyzdy kezeń retinde qabyldap otyrmyn», dedi ol.
Osy oraıda ol Qazaqstan halqy Assambleıasy atqaryp kelgen ultaralyq tatýlyqqa baǵyttalǵan qyzmettiń keleshegine qatysty da oıyn aıtty.
«QHA aldaǵy kezeńde óz jumysyn burynǵy úırenshikti formatta jalǵastyrmaǵanymen, ulttyq birliktiń dińgegin nyǵaıtýǵa baǵyttalǵan jınaqtaǵan tájirıbesi jańa ınstıtýttar aıasynda óz jalǵasyn tabady. Bul jaǵdaıatty kerisinshe, túrli synı kezeńderden súrinbeı ótip, bir tý astynda toptasa alatyn qoǵam retinde kemeldengenimizdiń aıqyn belgisi dep baǵalaýǵa tolyq negiz bar», dedi ol.
Sondaı-aq jańa Ata zań jobasynda qoǵamdyq beıbitshilik pen turaqty damýdyń irgetasy sanalatyn etnosaralyq jáne konfessııaaralyq kelisimdi saqtaýǵa aıryqsha mán berilgenin atap ótti.
Almatydaǵy referendýmǵa daıyndyq barysy
«Qazaq qoǵamy tarıhtyń ár belesinde san qyrly bolmysymen daralanyp, bir qalypta qatyp qalǵan emes. Ýaqyt almasqan saıyn qoǵam qurylymy da jańaryp, ózgerip otyrdy. Bul ómirdiń zańdylyǵy. Al sol alýandyqtyń ózeginde bárimizdi biriktiretin eń berik tuǵyr – azamattyq negizde uıysqan birtutas ult bolýymyz», dedi R.Tasym.
О́ner maıtalmandary referendým týraly pikirlerin bildirdi
Sarapshy ultaralyq, dinaralyq tatýlyqqa, ózara qurmet pen syılastyqqa baǵyttalǵan bul ózgerister halyqtyń saıası mádenıetiniń artýyna da alyp keletini týraly oıyn qosty.