Ýkraınadaǵy Joǵary antıkorrýpsııalyq sot burynǵy prezıdent ákimshiliginiń basshysy Andreı Ermak úshin belgilengen kepilpuldyń tolyq kólemde tólengenin rastady. Kepilpul mólsheri 140 mıllıon grıvendi (shamamen 3,1 mıllıon AQSh dollary) quraıdy. Qarajattyń túsýine baılanysty Ermak tergeý ızolıatorynan bosatylýy múmkin, dep habarlaıdy Egemen.kz.
Tergeý ızolıatorynda otyrǵan Ermak qarjy tolyq tólengennen keıin qamaýdan shyǵý quqyǵyna ıe boldy.
Aıta keteıik, oǵan qatysty aıyp 11 mamyrda taǵylǵan. Ýkraınanyń Mamandandyrylǵan sybaılas jemqorlyqqa qarsy prokýratýrasy (SAP) ony Kıev mańyndaǵy elıtalyq turǵyn úı kesheniniń qurylysy barysynda qarajatty zańdastyrý isine qatysy bar dep aıyptady.
Buǵan deıin Joǵary antıkorrýpsııalyq sot ony qamaýǵa alyp, kepilmen bosatýǵa ruqsat bergen bolatyn. Alaıda Ermak mundaı somany tóleýge múmkindigi joq ekenin aıtyp, ony negizsiz dep ataǵan. Onyń qorǵaýshylary apellıasııa berýdi josparlaǵan. Soǵan qaramastan, qajetti qarajat keıinnen tabylǵan.
Sonymen qatar, Ermaktyń SIZO-da aqyly kamerada otyrǵany da habarlanǵan.
Aıta keteıik, Reseılik BAQ-ta taraǵan Elena Zelenskaıaǵa qatysty qylmystyq is qozǵalýy múmkin degen aqparatqa baılanysty Ýkraınanyń Sybaılas jemqorlyqqa qarsy ulttyq bıýrosy men Mamandandyrylǵan sybaılas jemqorlyqqa qarsy prokýratýrasy prezıdent jubaıyna qatysty eshqandaı tergeý áreketteri júrgizilmeıtinin málimdedi.