Ulttyq bank Ulttyq qor kólemi men monetarlyq altyn mólsheri týraly jańa derekterdi jarııalady, dep habarlaıdy Egemen.kz.
Bıyl sáýir aıynda Qazaqstannyń halyqaralyq rezervterdegi monetarlyq altyn kólemi naýryzben salystyrǵanda 1,8%-ǵa ósip, 52,7 mlrd dollarǵa jetti. Buǵan deıin naýryz aıynda kórsetkish 10,5% tómendegen edi.
Jyl basynan beri altyn qory 11,5%-ǵa artty, al ótken jyldyń sáýirimen salystyrǵanda 1,7 esege kóbeıdi (30,7 mlrd dollardan).
Jalpy halyqaralyq rezervterde naýryzdaǵy 9%-dyq qysqarýdan keıin 1,5%-ǵa ósip, 67,8 mlrd dollar boldy.
Altyn baǵasy rekord jańartty: Qazaqstandaǵy ahýal qandaı?
Erkin aıyrbastalatyn valıýtadaǵy aktıvter 15,1 mlrd dollarǵa jetip, bir aı ishinde 0,5%-ǵa ósti. Alaıda jyl basynan beri bul kórsetkish 17%-ǵa tómendegen.
Taza syrtqy aktıvter de azaıa berdi, biraq tómendeý qarqyny baıaýlaǵan. Eger naýryzda tómendeý 10,4% bolsa, sáýirde 0,8% boldy. Olardyń kólemi − 61,33 trln teńgeni qurady.
Germanııa AQSh-taǵy altyn qoryn elge qaıtarýdy kózdep otyr
Ulttyq qordyń valıýtalyq aktıvteri bir aıda 3,9%, al jyl basynan beri 1,5%-ǵa ósip, 62,8 mlrd dollarǵa nemese 30 trln teńgege jetti. Eske salsaq, naýryzda bul kórsetkishter tıisinshe 4,86% jáne 2,34%-ǵa qysqarǵan bolatyn.
Sonymen qatar, Ulttyq qor qarajatynyń jalpy kólemi 0,4%-ǵa azaıyp, 36,38 trln teńge boldy.
Eske salaıyq, byltyr qarasha aıynda elimizdegi altyn qorynyń kólemi 98 tonnaǵa artqan bolatyn.