Keńes Odaǵy zamanynda Afrıka-Azııa jazýshylarynyń yntymaqtastyq komıteti bolǵan edi. Sonda biz jınalyp, sóz bostandyǵy, táýelsizdik, halyqtardyń sana-sezimi jaıynda jıi aıtyp, jeńiske jettik.
Kóptegen memleket táýelsizdigin aldy. Bul búkil álemdegi uly qozǵalys bolatyn. Biraq KSRO kúıregennen keıin basymyzdy biriktiretin organ bolmady. Osy oraıda qazaq baýyrlarymyz bul baǵytta ilgeri jyljyp, qýantyp otyr. Jahandaný jaǵdaıynda bul óte mańyzdy.
Azııa qalamgerlerine ortaq jýrnal shyǵarylsa deımin. Onda shyǵarmalarymyzdy bárimizge qoljetimdi tilde jarııalap otyrǵan jón. Máselen, aǵylshyn, orys jáne arab tilderin tańdaýǵa bolady. Bul bizdiń jas avtorlarymyzdyń tanymaldylyǵyn arttyrýǵa septigin tıgizer edi. Biriktirýshi qozǵalys búgingi syn-tegeýrinder men problemalardy, onyń ishinde álemde oryn alyp jatqan zulymdyqtar men qantógisterdi sheshý úshin de qajet. О́ıtkeni mundaı tereń ári ótkir problemalardy sheshýge rýhanı damý ǵana óz septigin tıgize alady.
Gúlnazar KELDIEV,aqyn (Tájikstan)