Batys Qazaqstan oblysynyń Bórli aýdanyna ákim bolyp Satqanov Mırjan Munaıdaruly taǵaıyndaldy. Aıta keteıik, Bórli aýdany – oblystaǵy jalǵyz ónerkásipti monoqala – Aqsaı shahary, iri gaz-kondensat ken orny – Qarashyǵanaq ornalasqan óńir.
О́nerkásipti aýdannyń jańa basshysy Mırjan Satqanov 1977 jyly dúnıege kelgen. Bilimi joǵary, Túrkııa Respýblıkasy Dokýz Eılıýl ýnıversıtetin «qarjy» mamandyǵy boıynsha támamdaǵan.
Ár jyldary:
- Oral qalasy ákimdigi qarjy bóliminiń jetekshi mamany,
- BQO kásipkerlikti qoldaý jáne damytý departamentiniń bas mamany, bólim bastyǵy, bastyǵynyń orynbasary;
- BQO kásipkerlik jáne ónerkásip departamenti (basqarma) dırektorynyń (bastyǵynyń) orynbasary;
- BQO kásipkerlik jáne ındýstrıaldyq-ınnovasııalyq damý basqarmasy basshysynyń orynbasary, basqarma basshysy;
- BQO jolaýshylar kóligi jáne avtomobıl joldary basqarmanyń basshysy bolyp qyzmetter atqarǵan.
2018 jyldyń naýryz aıynan bastap Batys Qazaqstan oblysy ákiminiń orynbasary boldy.