Bul týraly Qazaqstan astanasynda ótip jatqan «Ortalyq Azııa men Kavkazdaǵy jer ózgeristerin qadaǵalaý jáne sý-energetıkalyq jáne azyq-túlik qaýipsizdigi men turaqty damý» atty birinshi halyqaralyq konferensııada belgili boldy.
Konferensııanyń maqsaty - ekonomıka salalarynyń praktıkalyq mindetterin sheshý úshin ǵarysh qyzmetiniń nátıjelerin paıdalaný boıynsha ozyq tájirıbe almasý.
«Qazaqstan qurǵan ǵarysh toby memlekettik jáne jergilikti atqarýshy organdar úshin mamandandyrylǵan geoqyzmetterde ekonomıka salalarynda ǵarysh monıtorıngin derbes júrgizýge múmkindik berdi. О́z kezeginde ǵarysh monıtorıngi aýyl sharýashylyǵy, tótenshe jaǵdaılar, ekologııa jáne tabıǵatty paıdalaný, jerdi paıdalaný, geodezııa, kartografııa, qorǵanys, ulttyq qaýipsizdik jáne basqa da máselelerdi sheshý úshin JQZ derekterine derbes jáne jedel qol jetkizýge múmkindik beredi», – dep atap ótti Sıfrlyq damý, ınnovasııalar jáne aeroǵarysh ónerkásibi vıse-mınıstri Marat Nurǵojın.
Konferensııaǵa qatysýshylar ǵarysh tehnıkasy men tehnologııalarynyń otandyq úlgilerin ázirleýdegi qazaqstandyq serpilisti joǵary baǵalaı otyryp, elimizdiń zamanaýı ǵaryshtyq ınfraqurylymyn talqylady. Sondaı-aq eki optıkalyq apparat (orta jáne joǵary keńistiktik ruqsattar), ǵarysh apparattaryn jerústi basqarý kesheni jáne ǵarysh apparattarynan derekterdi qabyldaý jáne óńdeý úshin jerústi maqsatty kesheni usynylǵan Jerdi qashyqtyqtan zondtaý júıesine da erekshe nazar aýdaryldy. JQZ málimetterine taldaý jasaý jáne qoldanbaly mindetterdi sheshý úshin NASA ǵalymdary bul jumysty birlesip jalǵastyrýdy usyndy.
NASA, GEOGLAM baǵdarlama jetekshisi Krıs Djastıs (Chris Justice) Jerdi qashyqtyqtan zondtaý boıynsha qazaqstandyq mamandardyń jumysyn joǵary baǵalap, Qazaqstannyń ǵarysh monıtorınginiń nátıjelerin Jerdiń jahandyq monıtorıngine engizý qajet dep sanaıdy. «Bizdiń kezdesýimiz uıymdar men ýnıversıtetterdiń qatysýymen halyqaralyq baǵdarlamalardy júzege asyrý boıynsha derekter men tájirıbe almasýdyń Ortalyq Azııa jelisin qurý máselesine baǵyttalǵan. Sheshimderdiń biri Qazaqstanda NASA Ortalyq Azııa aımaqtyq aqparattyq ortalyǵynyń ashylýy bolmaq», - dep atap ótti ǵalym.
Konferensııa qorytyndysy boıynsha Jol kartasyn qabyldaý josparlanýda, ol NASA-men tehnologııalar transfertine jáne odan arǵy jumystarǵa, sondaı-aq otandyq salaǵa jetekshi ǵarysh agenttikteriniń deńgeıine jetýge baǵyttalatyn bolady.
Konferensııaǵa Sıfrlyq damý, ınnovasııalar jáne aeroǵarysh ónerkásibi mınıstrliginiń, NASA shtab-páteriniń, Merılend shtaty ýnıversıtetiniń, Mıchıgan shtaty ýnıversıtetiniń, Ellady zertteý jáne tehnologııa ortalyǵynyń (Gresııa) jáne «Qazaqstan Ǵarysh Sapary» Ulttyq kompanııasynyń» ókilderi qatysýda.