Qazaqstan Respýblıkasy Ádilet mınıstrliginiń buıryǵy № 406
Senbi, 26 qańtar 2013 6:01 2012 jylǵy 13 jeltoqsan, Astana qalasy«Notarıýstardyń notarıattyq is-áreket jasaý erejesin bekitý týraly» 2012 jylǵy 31 qańtardaǵy № 31 Qazaqstan Respýblıkasy Ádilet mınıstriniń buıryǵyna ózgerister engizý týraly «Notarıat týraly» Qazaqstan Respýblıkasy Zańynyń 32-babynyń 3) tarmaqshasyna sáıkes, buıyramyn:
Senbi, 26 qańtar 2013 6:01 2012 jylǵy 13 jeltoqsan, Astana qalasy«Notarıýstardyń notarıattyq is-áreket jasaý erejesin bekitý týraly» 2012 jylǵy 31 qańtardaǵy № 31 Qazaqstan Respýblıkasy Ádilet mınıstriniń buıryǵyna ózgerister engizý týraly «Notarıat týraly» Qazaqstan Respýblıkasy Zańynyń 32-babynyń 3) tarmaqshasyna sáıkes, buıyramyn: 1. «Notarıýstardyń notarıattyq is-áreket jasaý erejesin bekitý týraly» 2012 jylǵy 31 qańtardaǵy № 31 Qazaqstan Respýblıkasy Ádilet mınıstriniń buıryǵyna (Normatıvtik quqyqtyq aktilerdi memlekettik tirkeý tiziliminde №7447 tirkelgen, 2012 jylǵy 26 mamyrdaǵy №154-156 (26973-26975) «Kazahstanskaıa pravda» gazetinde jarııalanǵan) mynadaı ózgerister engizilsin: kórsetilgen buıryqpen bekitilgen Notarıýstardyń notarıattyq is-áreket jasaý erejesinde: 1-tarmaq mynadaı redaksııada jazylsyn: «1. Osy Ereje memlekettik notarıýstar men jekeshe praktıkamen aınalysatyn notarıýstardyń (budan ári – notarıýs) notarıattyq is-áreketter: 1) mámilelerdi kýálandyrý; 2) múlikti ıelikten alý týraly sharttardy kýálandyrý; 3) múlikti paıdalaný tártibi týraly sharttardy kýálandyrý; 4) nekelik kelisim-sharttardy kýálandyrý; 5) ósıetterdi kýálandyrý; 6) senimhattardy kýálandyrý; 7) sharýashylyq seriktestikteriniń quryltaı qujattaryn kýálandyrý; 8) muramen senimgerlik basqarýshyny taǵaıyndaý; 9) muraǵa quqyq týraly kýálikter berý; 10) jubaılardyń jáne ortaq birlesken menshik quqyǵy negizinde múlki bar basqa adamdardyń ortaq múliktegi úlesine menshik quqyǵy týraly kýálikter berý; 11) múlikti ıelikten alýǵa tyıym salý jáne tyıymdy joıý; 12) qujattardyń kóshirmeleri men olardan alynǵan úzindilerdiń durystyǵyn kýálandyrý; 13) qujattardaǵy qoldardyń túpnusqalyǵyn kýálandyrý; 14) qujattardyń bir tilden ekinshi tilge aýdarmasynyń durystyǵyn kýálandyrý; 15) faktilerdi kýálandyrý; 16) jeke jáne zańdy tulǵalardyń ótinishterin basqa jeke jáne zańdy tulǵalarǵa berý; 17) aqshalardy depozıtke qabyldaý; 18) vekselder narazylyqtaryn jasaý; 19) qujattardy jáne baǵaly qaǵazdardy saqtaýǵa qabyldaý; 20) teńiz narazylyqtaryn jasaý; 21) dálelderdi qamtamasyz etýdi jasaý tártibin belgileıdi. Qazaqstan Respýblıkasynyń zańnamalyq aktilerinde notarıýstar jasaıtyn ózge de notarıattyq is-áreketter kórsetilýi múmkin.»; 7-tarmaqtyń jetinshi bóligi mynadaı redaksııada jazylsyn: «Notarıýs BNAJ arqyly Qazaqstan Respýblıkasyndaǵy notarıýstar kýálandyrǵan senimhattardy berý faktisin tekseredi»; 15-tarmaqtyń birinshi bóligi mynadaı redaksııada jazylsyn: «15. Eger notarıattyq is-áreket jasaýǵa zańdy tulǵa júginse, onyń ataýy, bıznes sáıkestendirý nómiri jáne turǵan jeri kórsetildi.»; 16-tarmaqtyń birinshi bóligi mynadaı redaksııada jazylsyn: «16. Notarıýs notarıattyq is-áreket jasaýǵa notarıattyq is júrgizý tilinen ózgeshe tilde jasalǵan, aýdarmasy tıisinshe resimdelmegen, sondaı-aq óshirilgen, qosylyp jazylǵan, syzylǵan nemese ózge de kelisilmegen túzetýleri bar, qaryndashpen jazylǵan qujattar, sondaı-aq mór bederlemesi anyq kórinbeıtin qujattardy qabyldamaıdy.»; 20-tarmaq mynadaı redaksııada jazylsyn: «20. Kýálandyrý jazbasynyń mátini tehnıkalyq quraldarmen (jazba mashınasymen, derbes kompıýtermen) nemese qoldan anyq jazylyp oryndalady, óshirýlerge jol berilmeıdi. Kýálandyrýshy jazbalardy jasaý úshin tıisti jazbasy bar mórtaban qoldanylýy múmkin. Qujattaǵy kýálandyrýshy jazba osy bette nemese qujattyń artqy betinde azamattardyń qoltańbasynan keıin qoıylady.»; 22-tarmaqtyń ekinshi bóligi mynadaı redaksııada jazylsyn: «Senim bildirilgen basqarýshy murany taǵaıyndaǵan kezde, notarıattyq is-áreket jasaýdan bas tartylǵanda, notarıattyq is-áreket toqtatylǵanda nemese keıinge qaldyrylǵanda notarıýs tıisti qaýly shyǵarady.»; 30-tarmaq mynadaı redaksııada jazylsyn: «30. Notarıýs notarıattyq is-áreket jasaýdan Zańnyń 48-babynda kózdelgen negizder boıynsha, sondaı-aq notarıattyq is-áreket jasaýǵa alkogoldik, esirtkilik, toksıkologııalyq masaıý halinde kelgen adamdar kelgen kezde bas tartady.»; 31-tarmaqtyń 3) tarmaqshasy mynadaı redaksııada jazylsyn: «3) notarıattyq is-áreket jasaýǵa kelgen tulǵanyń tegi, aty jáne ákesiniń aty (bolǵan kezde), onyń turǵylyqty jeri (nemese zańdy tulǵanyń ataýy men ornalasqan jeri);»; 34-tarmaq mynadaı redaksııada jazylsyn: «34. Notarıýs jyljymaıtyn múliktermen mámilelerdi kýálandyrǵan kezde jáne memlekettik tirkelýge jatatyn muraǵa quqyq týraly kýálikti bergen kezde – «Jyljymaıtyn múlik tirkelimi» – memlekettik derekter qorynda BNAJ arqyly jyljymaıtyn múlikke tirkelgen quqyqtar (aýyrtpalyqtar) jáne olardyń tehnıkalyq sıpattamalary týraly anyqtamany suratady nemese anyqtamanyń biregeı nómiri boıynsha onyń alynǵandyǵyn tekseredi. Notarıýstyń – «Jyljymaıtyn múlik tirkelimi»- memlekettik derekter qorynan BNAJ arqyly alynǵan jyljymaıtyn múlikke tirkelgen quqyqtar (aýyrtpalyqtar) jáne olardyń tehnıkalyq sıpattamalary týraly anyqtama, tirkeýshi organnyń basshysynyń, ony almastyrýshysynyń (belgilengen qyzmettik mindetterin bólýge sáıkes) sıfrlyq qoltańbasymen kýálandyrylǵan jyljymaıtyn múlikke tirkelgen quqyqtar (aýyrtpalyqtar) jáne onyń tehnıkalyq sıpattamalary týraly anyqtama tirkeýshi memlekettik organnyń mórimen kýálandyrylǵan anyqtamamen teń qabyldanady.»; 36-tarmaq mynadaı redaksııada jazylsyn: «36. Kámelettik jasqa jetpegen nemese qorǵanshy nemese qamqorshysy bar basqa tulǵalardyń múlkiniń kemýine ákep soqtyratyn kez-kelgen mámilelerdi jasaǵan kezde osyndaı mámileni jasaýǵa qorǵanshy jáne qamqorshy organnyń kelisimin talap etý qajet.»; 38-tarmaq mynadaı redaksııada jazylsyn: «38. Memlekettik tirkeýden ótken jyljymaıtyn múlikti ıelikten aıyrý týraly shartty buzý týraly kelisimdi notarıýs jyljymaıtyn múlikke tirkelgen quqyqtar (aýyrtpalyqtar) jáne onyń tehnıkalyq sıpattamalary týraly anyqtamanyń negizinde shart buzylǵan sátte kýálandyrady, ony qaǵaz nusqasynda jáne notarıattyq is-áreketterdi tirkeý tiziliminde tirkeıdi jáne quqyq belgileıtin qujatty múliktiń ıesine qaıtarady, kelisimniń danasynyń kóshirmesi shartqa qosa tigiledi.»; 40- tarmaq mynadaı redaksııada jazylsyn: «40. Syıǵa tartý shartynda eger syıǵa tartýshy syılyq alýshydan keıin tiri qalatyn bolsa, syıǵa tartýdyń kúshin joıý quqyǵy kórsetilýi múmkin. Bul rette, syılyq alýshy qaıtys bolǵan jaǵdaıda notarıýs syıǵa tartýshynyń jazbasha ótinishi boıynsha quqyqty belgileýshi qujattardy syılyq alýshynyń qaıtys bolǵany týraly kýáliktiń negizinde qaıtarady. О́tinish pen syılyq alýshynyń qaıtys bolǵany týraly kýálik notarıýstyń isterinde saqtalatyn syıǵa tartý shartynyń danasyna qosa tirkeledi. Syıǵa tartý shartynyń barlyq danalarynda, sondaı-aq tizilimde syıǵa tartýdy joıǵany týraly belgi jasalynady.»; 41-tarmaq mynadaı redaksııada jazylsyn: «Sottyń zań kúshine engen sheshimine sáıkes mámile jaramsyz dep tanylǵan kezde, notarıýs bul týraly notarıaldyq áreketterdi tirkeý tiziliminde, BNAJ elektrondyq tiziliminde belgi qoıady, sot sheshiminiń kóshirmesin qosa tirkeıdi jáne quqyqty belgileýshi qujattardy múlik ıesine qaıtarady.»; 44-tarmaq mynadaı redaksııada jazylsyn: «44. Jubaılardyń bireýi jubaılardyń ortaq múlkine bılik etý jónindegi mámile jasasqan kezde, eger neke shartymen múliktiń ózge tártibi belgilenbegen bolsa, ekinshisiniń kelisimi kerek bolady. Jubaılardyń nekege deıingi kezeńde óteýsiz mámile negizinde alǵan nemese muraǵa alý tártibimen alǵandy qospaǵanda, sondaı-aq jubaılardyń neke sharty negizinde bólek menshik retindegi jubaıyna tıesili bolǵan múlikterdi qospaǵanda, jubaılardyń bireýi jyljymaıtyn múlikke bılik etý jónindegi mámileni jáne belgilengen tártippen notarıattyq kýálandyrýdy jáne (nemese) tirkeýdi talap etetin mámileni jasasý úshin jubaılardyń ekinshisiniń notarıattyq kýálandyrylǵan kelisimin ne ıelikten aıyrýǵa jatatyn múlik ıesiniń nekede turmaıtyny týraly ótinishti talap etý qajet. Sońǵy jaǵdaıda notarıýsqa neke sharty usynyldy. Bul týraly shart mátinine múlik jubaıynyń kelisimi negizinde ıelenip jatqandyǵy, múlik ıesiniń tegi, aty jáne ákesiniń aty (bolǵan kezde), ákesiniń aty, jeke sáıkestendirý nómiri, týǵan jyly, aıy, kúni tolyq kórsetiledi, ne bolmasa, múlik ıesi shartty jasaý kezinde nekede turmaıtyndyǵy, al neke sharty bolǵan jaǵdaıda neke shartyn kýálandyrǵan notarıýstyń tegi, aty, ákesiniń aty, kýálandyrǵan kúni jáne orny tizilim nómiri men múliktiń quqyqtyq tártibi kórsetiledi. Jubaılardyń nekelik qarym-qatynastaryn notarıýs neke týraly kýálik boıynsha tekseredi, bul týraly ótinishte belgi jasaıdy jáne kýáliktiń nómirin jáne berilgen kúnin, qujatty bergen organnyń ataýyn kórsetedi. Múlik ıesi bergen senimhattyń negizinde múlikti ıelikten aıyrý jónindegi mámileni kýálandyrǵan kezde, eger oǵan osy notarıattyq is-qımyldy jasaýǵa ýákilettik berilgen bolsa, senim bildirilgen ókilden nekelik qatynasynyń joqtyǵy týraly ótinish alynady. Eger jubaıynyń bireýi Qazaqstan Respýblıkasynda yqtııarhaty joq sheteldiń azamaty bolsa, sondaı-aq neke shartynda jubaılar arasynda bólinetin menshik rejımi belgilenbegen bolsa, (Qazaqstan Respýblıkasy Jer kodeksiniń 23-babynda kórsetilgen) páterler, turǵyn úıler, jer ýchaskelerin satyp alý jónindegi sharttar («Sheteldikterdiń quqyqtyq jaǵdaıy týraly» Qazaqstan Respýblıkasy Zańynyń 9-baby), notarıattyq kýálandyrýǵa jatpaıdy.»; 46-tarmaqtyń 2) tarmaqshasy mynadaı redaksııada jazylsyn: «2) qoltańbasynyń túpnusqalyǵy notarıaldy kýálandyrylǵan, notarıýsqa ortaq úlestik menshik qatysýshylaryn úlesti satý nıeti týraly habarlandyrý úshin berilgen úlesti satýshynyń ótinishi, sondaı-aq osy ótinish ortaq úlestik menshik qatysýshysyna berilgen poshtalyq nemese ózgedeı habarlama.»; 55-tarmaqtyń ekinshi bóligi mynadaı redaksııada jazylsyn: «Notarıýs kepili bar múlikke menshik quqyǵyn ıelikten aıyrý múlikti ıelenýshi úshin barlyq mindetterdiń aýysatynyn túsindiredi.»; 58-tarmaq mynadaı redaksııada jazylsyn: «58.Aıyrbastaý shartyn notarıýs taraptardyń tańdaýy boıynsha jyljymaıtyn múliktiń kez-kelgen obektisiniń turǵan jeri boıynsha kýálandyrady, bul rette notarıýs aýyrtpalyqtyń joq ekendigi faktisin anyqtaıdy.»; 59-tarmaq mynadaı redaksııada jazylsyn: «59. Mindetti memlekettik tirkeýge jatpaıtyn jyljymaly múlikti ıelikten aıyrǵan kezde (úleskerdiń turǵyn qurylysta qatysý úlesi týraly shart boıynsha talap etý quqyǵyn basqaǵa berý shartyn kýálandyrý) notarıýs mynalardy: 1) múliktiń menshiktenýshige tıesili ekendigin rastaıtyn qujattary; 2)»Jyljymaly múlik kepilin tirkeý týraly» Qazaqstan Respýblıkasynyń Zańyna sáıkes ýákiletti organ bergen zańdy, jeke tulǵany, jeke kásipkerdi salyq tóleýshi retinde tirkegen jeri boıynsha jyljymaly múlik kepiliniń tiziliminen úzindisin; 3) qurylys salýshynyń úlestik qatysý sharty boıynsha tolyq esebi týraly, onyń ishinde múlikti menshiktenýge berý týraly qujatqa qol qoımaǵany, qurylys salýshynyń ıelikten aıyrýǵa kelisimi týraly málimetterdi; 4) taraptardyń jubaılarynyń osy múlikti ıelikten aıyrýǵa (eger ol birlesken nekede turǵan kezinde satyp alynǵan múlik bolsa) nemese ıelenýge notarıattyq kýálandyrylǵan kelisimi nemese menshik ıesiniń jáne (nemese) satyp alýshynyń ıelikten aıyratyn múlikti satyp alǵan kezde nekede turmaǵany ne bolmasa turǵandyǵy týraly notarıattyq kýálandyrylǵan ótinishti talap etedi. Osy Erejeniń 59-tarmaǵynyń 1) tarmaqshasynda kórsetilgen qujat shartty kýálandyrǵany týraly belgisimen ıelenýshige qaıtarylady, onyń kóshirmesi notarıýstyń saqtaýynda qaldyrylady. Taraptar berý aktisin nemese úlestik qurylys obektisin berý týraly ózge qujatyna qol qoıǵanǵa deıin olar sharttyń baǵasyn tólegen soń ǵana úlestik qurylys qatysýshysynyń shart boıynsha talaptar quqyǵyn basqaǵa berýine jol beriledi.»; 60-tarmaq mynadaı redaksııada jazylsyn: «60. Jyljymaly múliktiń jekelegen túrlerin ıelikten aıyrý shartyn kýálandyrǵan kezde notarıýs «Jyljymaly múlik kepilin tirkeý týraly» Qazaqstan Respýblıkasy Zańynyń 6-babyna sáıkes aýyrtpalyqtyń bar/joq ekendigi týraly ýákiletti organnyń anyqtamasyn talap etedi. Eger jyljymaly múliktiń tıesiligi mindetti memlekettik tirkelýge jatpaıtyn bolǵan jaǵdaıda, qandaı-da bir qujatpen anyqtalmasa, shart mátinine onyń tıesiligin taraptardyń aıtýy boıynsha kórsetedi.»; 64-tarmaq mynadaı redaksııada jazylsyn: «64. Ortaq menshiktegi úleste turǵan múlikti ýaqytsha aqysyz paıdalaný nemese jalǵa berý múliktiń barlyq ıeleriniń kelisimi boıynsha júrgiziledi.»; 68-tarmaq mynadaı redaksııada jazylsyn: «68. Kepil shartyn kýálandyrǵan kezde notarıýs Zańnyń 75-babynyń 2-tarmaǵyna sáıkes jyljymaly jáne jyljymaıtyn múlikti tirkeý organdarynda múlikti ıelikten aıyrýǵa tyıymnyń salynǵany týraly kepil týraly sharttyń kóshirmesin qosa tirkeı otyryp, habarlaıdy. Bul týraly kepil shart mátinine múlik jubaıynyń kelisimi negizinde salynyp jatqandyǵyn onyń tolyq tegi, aty, ákesiniń aty (bolǵan kezde), jeke sáıkestendirý nómiri, týǵan jyly jáne jeri, ne bolmasa kepil berýshi múlikti ıelengen ýaqytta nekede turmaǵandyǵy týraly, al eger neke sharty bolǵan jaǵdaıda neke shartyn kýálandyrǵan notarıýstyń aty, tegi, ákesiniń aty, kýálandyrý ýaqyty, tizilim nómiri jáne múliktiń quqyqtyq reti kórsetiledi.»; 69-tarmaq mynadaı redaksııada jazylsyn: «69. Notarıýs jeke jáne (nemese) zańdy tulǵalardyń ortaq (birlesken nemese úlestik) menshigindegi múlikti paıdalaný tártibi týraly sharttardy kýálandyrady. Notarıýs taraptardyń kelisimimen belgilengen ortaq múlikti paıdalaný tártibi týraly shartty kýálandyrady. Daý bolǵan jaǵdaıda notarıýs sotqa júginý tártibin túsindiredi.»; 73-tarmaq mynadaı redaksııada jazylsyn: «73. Notarıýs ortaq (birlesken nemese úlestik) menshiktegi múlikti bólý týraly sharttardy kýálandyrady. Ortaq múliktiń bólek (jeke) menshikke aýystyrylý sharty múliktiń bólinetin bóligin quqyqtyń derbes nysany retinde qaraý múmkindigi bolyp tabylady (Kodekstiń 218, 221-baptary).»; 74-tarmaq mynadaı redaksııada jazylsyn: «74. Turǵyn úıdi (páterdi) sol turǵan qalpynda bólý úı-jaıdyń turǵyn jaıy da, qosymsha jaılary da bólingennen keıin ýákiletti organymen bergen usynylǵan qujattarǵa sáıkes birneshe tulǵanyń ortaq menshiginde (paıdalanýynda) qalmaıtyn bolady. Bólingen bólikte (bólikterde) jeke esik shyǵarýdyń jáne qajetti qosymsha úı-jaımen qaıta jabdyqtaýdyń tehnıkalyq múmkindigi bolmaǵan jaǵdaılarda, notarıýs múddeli adamdarǵa olardyń múlikti paıdalaný tártibi týraly shart jasaýy múmkindigi týraly túsindiredi.»; 76-tarmaq mynadaı redaksııada jazylsyn: «76. Turǵyn úı-jaıdy bólý týraly sharttyń mátininde árbir burynǵy menshik ıesine aýysqan jıyntyq paıdaly alańnyń, turǵyn úıdiń (páterdiń) jalpy paıdaly alańyna qatynasy arıfmetıka tilimen kórsetilýi kerek, sondaı-aq jalpy úlestik menshikte qalatyn obektiler kórsetilýi kerek.»; 79-tarmaq mynadaı redaksııada jazylsyn: «79. Jubaılardyń múlkin bólgende notarıýs nekeni buzylǵanda múliktik saldary jáne ortaq múliktik menshik rejimi belgilengen nekelik shartynyń bar nemese joq ekendigin anyqtaıdy. Nekelik shart bolǵan jaǵdaıda múlikti bólý onyń sharttaryna sáıkes júrgiziledi»; 80-tarmaq mynadaı redaksııada jazylsyn: «80. Jyljymaıtyn múlikti bólý týraly shartyn, sondaı-aq memlekettik tirkeýge jatatyn múlikti bólý shartyn kýálandyrǵan kezde notarıýs quqyq belgileıtin qujatty talap etedi. Múlikti baǵalaý týraly esepti notarıýs, eger ol taraptardyń kelisimimen kózdelgen jaǵdaıda talap etedi.»; 81-tarmaqtyń ekinshi bóligi alyp tastalsyn; 88-tarmaqtyń besinshi bóligi mynadaı redaksııada jazylsyn: «О́sıetti notarıýs ósıet qaldyrýshynyń sózimen jazǵan kezde jalpy qoldanylatyn tehnıkalyq quraldy (jazý mashınkasy, derbes kompıýter jáne t.b.) paıdalanady.»; 90-tarmaq mynadaı redaksııada jazylsyn: «90. О́sıet qaldyrýshynyń qalaýy boıynsha notarıýsty onyń mazmunymen tanystyrmaı, notarıýs qupııa ósıetti bir danada kýálandyrady. Qupııa ósıet, onyń jaramsyz bolyp qalý qaýpi eskerilip, ósıet qaldyrýshynyń óz qolymen jazylady jáne qoly qoıylady, eki kýániń jáne notarıýstyń qatysýymen kýálar óz qoldaryn qoıatyn konvertke jelimdenip salynady, kýálardyń qatysýymen kýálar qol qoıady, notarıýs kýálandyrý jazbasyn qoıyp, basqa konvertke bekitiledi. Konvert notarıýstyń isinde qalady. Qupııa ósıetti kýálandyrǵan kezde notarıýs ósıet berýshige Kodekstiń 1050-babynda kózdelgen ósıet nysanyna qoıylatyn talaptardy túsindiredi.»; 102-tarmaq mynadaı redaksııada jazylsyn: «102. Senimhat mátininde onyń jasalǵan jeri men kýálandyrylǵan kúni, senim bildirýshiniń tegi, aty, ákesiniń aty (bolǵan kezde) men týǵan jeri, turatyn jeri (zańdy tulǵalar úshin – zańdy tulǵa organynyń ataýy men ornalasqan jeri) jáne senim bildirilgen adamnyń tegi, aty, ákesiniń aty men turatyn jeri kórsetiledi.»; 103-tarmaq mynadaı redaksııada jazylsyn: «103. Senimhattyń qoldanylý merzimi jazbasha kórsetiledi jáne úsh jyldan aspaýy kerek. Eger senimhatta merzim kórsetilmese, ol jasalǵan kúnnen bastap bir jylǵa deıin kúshin saqtaıdy. Syıǵa tartý senimhatynda syı alýshy jáne syıǵa tartý zaty kórsetiledi.»; 108-tarmaq mynadaı redaksııada jazylsyn: «108. Qaıta senim bildirý tártibimen berilgen senimhatta negizgi senimhatty kýálandyrǵan notarıýstyń tegi, aty, ákesiniń aty, kýálandyrý ýaqyty men orny, tizilim nómiri, negizgi senimhat berilgen adamnyń tegi, aty, ákesiniń aty (bolǵan kezde), týǵan jáne turatyn jeri nemese negizgi senimhatty bergen zańdy tulǵanyń ataýy men turǵan jeri, sondaı-aq ókilettikter beriletin adamdar, tıisti jaǵdaıda olardyń qyzmeti kórsetiledi. Negizgi senimhatta qaıta senim bildirý týraly belgi soǵylady. Negizgi senimhattyń kóshirmesi notarıýsta qalatyn senimhattyń danasyna qosylady. Senim bildirilgen adam negizgi senimhat boıynsha ókilettikterin tolyq aýqymda bergen jaǵdaıda qaıta senim bildirilgen degen belgisi bar bastapqy senimhat qaıta senim bildirý tártibinde berilgen senimhatqa tigiledi jáne úshinshi tulǵaǵa beriledi. Negizgi senimhatta kórsetilgen jekelegen ókilettikter nemese birneshe adamdarǵa qaıta senim bildirilgen kezde qaıta senim bildirilgeni týraly belgisi bar bastapqy senimhat senim bildirilgen adamǵa qaıtarylady, al bastapqy senimhattyń notarıattyq kýálandyrylǵan kóshirmesi jáne qaıta senim bildirý tártibimen berilgen senimhat úshinshi tulǵaǵa beriledi.»; 115-tarmaq mynadaı redaksııada jazylsyn: «115. Notarıýs murany ashqan jeri boıynsha, zań boıynsha bir nemese birneshe muragerlerdiń ótinishteri boıynsha, sondaı-aq muragerler zań boıynsha bolmaǵan nemese belgisiz bolǵan kezde – jergilikti atqarýshy organnyń ótinishi boıynsha muraǵa senimgerlik basqarýshy taǵaıyndaıdy. Zań boıynsha muragerler kelgen jaǵdaıda, senimgerlik basqarýshyny oǵan qajetti shyǵystardyń orny toltyryla jáne muranyń esebinen qısyndy syıaqy tólene otyryp, olardyń talaby boıynsha keri shaqyrylady.»; 117-tarmaq mynadaı redaksııada jazylsyn: «117. Senimgerlik basqarýshyny taǵaıyndaý týraly notarıýs qaýly shyǵarady. Qaýlyda: 1) qaýlynyń shyǵarylǵan kúni, ýaqyty men jeri; 2) qaýlyny shyǵarǵan notarıýstyń tegi, aty, ákesiniń aty, onyń lısenzııasynyń nómiri ne memlekettik notarıattyq keńseniń ataýy; 3) taǵaıyndalatyn murany senimgerlikpen basqarýshynyń tegi, aty, ákesiniń aty, týǵan jyly men jeri, onyń turǵylyqty jeri, jeke basyn kýálandyratyn qujatynyń derekteri; 4) mura qaldyrýshynyń tegi, aty men ákesiniń aty (bolǵan kezde), sondaı-aq qaıtys bolǵan kúni, soǵan qatysty qorǵaý sharalaryn qabyldaý qajet bolatyn múliktiń ataýy men turǵan jeri kórsetile otyryp, muralyq múlikti qorǵaýǵa qabyldanǵan sharalar týraly tapsyrmanyń mazmuny; 5) murany senimgerlikpen basqarýshynyń ókilettigin túsindirý jónindegi jazba; 6) tizilim nómiri men notarıýsqa tólegen somasy: 7) notarıýstyń qoly, móri bolýy tıis.»; 122-tarmaq mynadaı redaksııada jazylsyn: «122. Notarıýs muradan bas tartý týraly ótinishti kýálandyrý kezinde notarıýs muragerlerge muradan bas tartýdyń qaıtarymsyz, shartsyz ekendigin, bundaı aryzdy muranyń ashylǵan jeri boıynsha notarıýske berý qajettigin túsindiredi, ol týraly ótinishke tıisti jazba jasalady. Murany qabyldaýdan bas tartý týraly ótinishti notarıýs muranyń ashylǵan orny boıynsha mura ashylǵan kúnnen bastap alty aıdyń ishinde qabyldaıdy. Notarıýs muragerdiń ótinishin Kodekstiń 1074-babynyń 4-tarmaǵymen kózdelgen negizder boıynsha murany qabyldaýdan bas tartý quqyǵynan aıyrylǵan jaǵdaıda, sondaı-aq qamqorshylyq pen qorǵanshylyqta turǵan adamdardyń murada bas tartýy kezinde qamqorshylyq pen qorǵanshylyq organdary aldyn-ala ruqsat bermegen jaǵdaılarda qabyldamaıdy. (Neke (erli-zaıyptylyq) týraly Kodekstiń 125-baby 2-tarmaǵy). Mura qaldyrýdan aıyrylǵan muragerlerdi qospaǵanda, muradan bas tartý ósıet boıynsha nemese zań boıynsha kez kelgen kezektegi muragerlerdiń arasynan basqa adamdardyń paıdasyna, sondaı-aq usyný quqyǵy boıynsha muraǵa shaqyrylmaǵan muragerdiń paıdasyna jasalýy múmkin.»; 125-tarmaq mynadaı redaksııada jazylsyn: «125. Muragerlikten bas tartqany nemese muraǵa quqyq týraly kýálikti berý týraly jazbasha túrde alynǵan ótinishter (murany qabyldaý týraly) Qazaqstan Respýblıkasy Ádilet mınıstriniń 2012 jylǵy 31 qańtar № 32 buıryǵymen bekitilgen (normatıvtik quqyqtyq aktilerdi memlekettik tirkeý tiziliminde № 7445 tirkelgen) Notarıattyq is júrgizý nusqaýlyǵynyń talaptaryna (budan ári – Is júrgizý jónindegi ereje) sáıkes Muralyq isterdi tirkeý kitaby men muralyq isterdi esepke alýdyń Alfavıttik kitabyna tirkeledi. Eger ótinishte muragerdiń qoltańbasy notarıattyq kýálandyrylmaǵan bolsa nemese ótinishte (notarıýsqa poshta arqyly nemese basqa notarıýstan berilgen bolsa) qate tabylǵan bolsa notarıýs ótinishti qabyldaıdy, ony Muragerlik isterdi tirkeý kitabynda jáne muragerlik isterdi esepke alýdyń Alfavıttik kitabynda tirkeledi. Bul rette notarıýs muragerge tıisti resimdelgen ótinishti jiberýdi nemese notarıýsqa jeke ózi kelip jolyǵýdy usynady.»; 126-tarmaq mynadaı redaksııada jazylsyn: «126. Mura qaldyrýshylar men mura qabyldaýshy muragerler arasyndaǵy týystyq jáne nekelik qatynastar ótinish berý kezinde nemese muraǵa quqyq týraly kýálik berilgende tekseriledi.»; 130-tarmaq mynadaı redaksııada jazylsyn: «130. Muragerlik múliktiń quramy memlekettik tirkeýge jatatyn jyljymaly jáne jyljymaıtyn múlikke muragerler usynǵan quqyq belgileýshi qujattardyń, sondaı-aq mura berýshige tıesili baǵaly qaǵazdardyń, jınaqtaýshy kitapshalardyń jáne basqa da qujattardyń negizinde tekseriledi.»; 132-tarmaq mynadaı redaksııada jazylsyn: «132. Mura qaldyrýshynyń qaıtys bolý faktisin, muranyń ashylý ýaqyty men ornyn, muralyq múliktiń quramy men turǵan jerin rastaý úshin notarıýs qujattardy, muragerlik iske tigiletin kóshirmelerdi talap etedi.»; 133-tarmaq mynadaı redaksııada jazylsyn: «133. О́sıet boıynsha muraǵa quqyǵy týraly kýálikti bergenge deıin, ósıetti basqa notarıýs kýálandyrǵan jaǵdaıda notarıýs ósıettiń saqtalǵan jerinen ósıettiń ózgermegeni jáne joıylmaǵany týraly málimetti talap etedi. Atalǵan málimetter kúni qoıylyp jáne quzyretti adamnyń qolymen jáne mórimen bekitilip ósıettiń ózinde jáne bólek qujatta (ósıet muraǵatta saqtalǵanda) jazylýy tıis.»; 134-tarmaq mynadaı redaksııada jazylsyn: «134. Muradaǵy mindetti úleske jáne jubaılardyń ortaq múlkindegi úleske quqyǵy bar adamdar shegi mynalar negizinde anyqtalady: 1) ósıet boıynsha muragerdiń (muragerlerdiń) jazbasha ótinishi; 2) muradaǵy mindetti úleske quqyǵy bar adamnyń jazbasha ótinishi; 3) jubaılardyń nekede bolý kezinde jınaǵan ortaq múlkindegi úleske menshik quqyǵy týraly kýálik berý týraly kózi tiri jubaıynyń jazbasha ótinishi; 4) týystyq faktisin jáne/nemese nekelik qatynasyn rastaıtyn qujat. Mindetti úlesiniń mólsherin anyqtaǵan kezde, eger muraǵa ıe bolý tártibi ósıette ózgertilmegen bolsa, notarıýs muraǵa ıe bolatyndardy barlyq muragerler qatarynan zań boıynsha kezektilikpen shaqyrýy tıis.»; 138-tarmaq mynadaı redaksııada jazylsyn: «138. Muraǵa quqyq týraly kýálikti berý kezinde notarıýs basqa memlekettik notarıattyq keńselerden jáne aýmaqtyq notarıattyq palatalardan nemese notarıýstardan muranyń ashylǵan jeri boıynsha muragerlik istiń joqtyǵy týraly aqparattyq anyqtamany suratady. Muragerlikti qabyldaý ne bas tartý týraly ótinishti birneshe notarıýs qabyldaǵan jaǵdaıda muraǵa quqyǵy týraly kýálik muragerlerdiń tańdaýy boıynsha beriledi, muragerler muraǵa quqyǵy týraly kýálikti alǵysy keletin notarıýsqa muragerlik isti berý týraly ótinish alynady. Eger muragerler arasynda kelisim bolmaǵan bolsa, muraǵa quqyǵy týraly kýálikti mura isin birinshi bastaǵan notarıýs beredi.»; 139-tarmaq mynadaı redaksııada jazylsyn: «139. Eger muragerler murany rásimdeý úshin qajetti qujattardy notarıýsqa kórsetý múmkindiginen aıyrylsa, notarıýs quziretti organdardan qajetti qujattardy talap etý jóninde járdemdesýge quqyly. Eger tıisti organdarda atalǵan qujattar saqtalmasa, notarıýs múddeli adamdarǵa sotqa júginý tártibin túsindiredi.»; 140-tarmaq mynadaı redaksııada jazylsyn: «140. Muraǵa quqyq týraly kýálik (zań boıynsha da, ósıet boıynsha da) barlyq muragerlerge birge ne olardyń qalaýyna qaraı árqaısysyna jeke-jeke beriledi. Muragerlik múlikke aýyrtpalyqtar bolǵan jaǵdaıda muraǵa quqyq týraly kýálikti berý kepil ustaýshynyń nemese aýyrtpalyq salǵan quzyretti organdarǵa habarlaý arqyly júrgiziledi»; 142-tarmaq mynadaı redaksııada jazylsyn: «142. Murager notarıýsqa júgingen sátte jyljymaıtyn múlikke quqyq resimdelgen ne mura qaldyrýshynyń atyna resimdeý satysynda bolǵan, alaıda bul quqyqty mura qaldyrýshy zańnamada belgilengen tártippen tirkemegen jaǵdaıda, notarıýs QR AK (Erekshe bólim) 1040-babyna sáıkes, muragerge múliktik emes quqyqtardan, sonyń ishinde mura qaldyrýshyǵa menshik quqyǵyn tirkeý úshin tirkeýshi organǵa ótinish jasaý quqyǵynan, qurylystardy paıdalanýǵa berý quqyǵynan, quqyq belgileıtin qujattardyń telnusqasyn jáne basqa da qujattardy alý úshin ýákiletti organǵa júginý quqyǵynan turatyn muraǵa quqyq týraly kýálik beredi.»; 145-tarmaq mynadaı redaksııada jazylsyn: «145. Murany qabyldaý týraly nemese muradan bas tartý týraly nemese muraǵa quqyq týraly kýálikter berý týraly ótinishter negizinde muragerlik is qozǵalady jáne rettik nómir beriledi. Basqa muragerlerdiń odan keıingi ótinishteri, onyń ishinde qosymsha ótinishter is júrgizý erejesinde kózdelgen nysan boıynsha Muragerlik isterdi esepke alý kitabyna da tirkeledi. Barlyq ótinishterde onyń túsken kúni kórsetiledi, muralyq is nómiri, birinshi kelip túsken ótinishke berilgen nómir saqtalady.»; 148-tarmaq mynadaı redaksııada jazylsyn: «148. Jubaılardyń ortaq múlkindegi úleske menshik quqyǵy týraly kýálik bergen kezde notarıýs mynalardy talap etedi: 1) neke otbasylyǵyn (erli-zaıyptylyq) kýálandyratyn qujat; 2) jyljymaıtyn múlikke quqyq belgileıtin qujattaryn; 3) kólik quralyna tehnıkalyq tólqujaty; 4) jubaılar múlkiniń quramy men mólsherin rastaıtyn ózge de qujattar.»; 150-tarmaq mynadaı redaksııada jazylsyn: «150. Jubaılardyń biri qaıtys bolǵan jaǵdaıda jubaılardyń ortaq múlkindegi úleske menshik quqyǵy týraly kýálik berý týraly kózi tiri jubaıdyń ótinishin alǵan jaǵdaıda, notarıýs qaıtys bolǵan jubaıdyń murany qabyldaǵan muragerlerine habarlaıdy, onda kózi tiri jubaıynyń menshik quqyǵy týraly kýálik berý týraly úlesine jubaılardyń ortaq múlkiniń quramy kórsetiledi.»; «157. Jekeshelendirilgen turǵyn úıdegi úleske menshik quqyǵy týraly kýálikti bergen kezde notarıýs: 1) belgilengen tártippen tirkelgen quqyq belgileýshi qujatty talap etedi;»; 160-tarmaq mynadaı redaksııada jazylsyn: «160. Múlikti ıelikten alýǵa tyıym salynǵan kezde múlikke menshik quqyǵyna kýálikter tek aýyrpalyq qoıǵan organnyń ruqsatymen ǵana beriledi.»; 161-tarmaq mynadaı redaksııada jazylsyn: «161. Jubaılardyń ortaq birlesken múlkindegi úlesine menshik quqyǵy týraly kýálik nemese ortaq birlesken múlkine quqyǵy bar basqa adamdardyń menshik quqyǵy týraly kýálik bólingen úleske quqyq belgileýshi qujat bolyp tabylady.»; 162-tarmaq mynadaı redaksııada jazylsyn: «162. Kýálikti berý týraly belgisi bar quqyq belgileýshi qujat qaıtarylady, bul jaǵdaıda notarıýstyń isinde quqyq belgileýshi qujattyń kóshirmesi qaldyrylady.»; 164-tarmaq mynadaı redaksııada jazylsyn: «164. Jyljymaıtyn múlikke menshik quqyǵy týraly kýálik osy Erejeniń 149-tarmaǵynda kózdelgen jaǵdaılardy qospaǵanda, turǵan jeri boıynsha beriledi.»; 165-tarmaq mynadaı redaksııada jazylsyn: «165. Nesıe (kredıt) shartyn, ózge de mindettemelerdi qamtamasyz etý maqsatynda jasalynǵan jyljymaıtyn nemese jyljymaly múlik kepili shartynyń negizinde, sondaı-aq kepil týraly shartty notarıattyq kýálandyrǵan kezde notarıýs tirkeýshi organǵa tıym salýdy sharttyń kóshirmesimen birge jiberedi.»; 173- tarmaq mynadaı redaksııada jazylsyn: «173. Shetel memleketiniń resmı mekemeleri bergen qujattyń kóshirmesiniń durystyǵyn kýálandyrýdy qujatta zańdastyrý nemese apostıl qoıylǵany týraly belgi bolǵanda ǵana júrgizedi. Eger Qazaqstan Respýblıkasy men shetel memleketi arasynda tıisti kelisim bolǵan jaǵdaılarda qujatty zańdastyrý nemese apostıl qoıý talap etilmeıdi.»; 174-tarmaq mynadaı redaksııada jazylsyn: «174. Kóshirmeniń durystyǵy kóshirme jasalatyn qujatta ózara baılanysty emes jeke bólek máseleler týraly málimetter bolǵan jaǵdaıda kýálandyrylady. Kóshirmede qujattyń belgili bir másele boıynsha bóliginiń tolyq mátini qaıtalanýǵa tıis. Birneshe jeke-jeke, biraq ózara baılanysty bir tulǵaǵa qatysty (jeke de, zańdy da) máseleleri bar qujattan alynǵan jazýlardyń durystyǵy kýálandyrylmaıdy.»; 184-tarmaqtyń úshinshi bóligi mynadaı redaksııada jazylsyn: «184. Aýdarma aýdarylǵan qujattyń túpnusqaly danasyna, ol múmkin bolmaǵan jaǵdaıda onyń kóshirmesine qosa tigiledi.»; 184-tarmaqtyń tórtinshi bóligi alyp tastalsyn; 186-tarmaq mynadaı redaksııada jazylsyn: «186. Notarıýs azamattyń tiri ekendigi, azamattyń belgili bir jerde ekeni týraly kýálik beredi jáne Zańnyń 81, 82, 83-baptaryna sáıkes qujatty usynǵan ýaqytyn jazbasha ótinishiniń negizinde kýálandyrady.»; 200-tarmaq mynadaı redaksııada jazylsyn: «200. Notarıýs Zańnyń 93-babyna sáıkes qujattar men baǵaly qaǵazdardy jazbasha ótinish negizinde saqtaýǵa qabyldaıdy.»; 2. Osy buıryqtyń oryndalýyn baqylaý Qazaqstan Respýblıkasy Ádilet mınıstrliginiń Tirkeý qyzmeti jáne quqyqtyq kómek kórsetý komıtetiniń tóraǵasyna júktelsin. 3. Osy buıryq alǵash resmı jarııalanǵan kúninen keıin kúntizbelik on kún ótkennen keıin qoldanysqa engiziledi. Qazaqstan Respýblıkasynyń Ádilet mınıstri B. IMAShEV.Buıryq Qazaqstan Respýblıkasynyń Ádilet mınıstrliginde 2012 jylǵy 26 jeltoqsanda Normatıvtik quqyqtyq kelisimderdi memlekettik tirkeýdiń tizilimine № 8230 bolyp engizildi.