Boxingnews24.com portalynyń sholýshysy Barrı Holbrýk meksıkalyq Saýl "Kanelo" Alvares (52-1-2, 35 KO) qazaqstandyq Gennadıı Golovkınmen (39-1-1, 35 KO) úshinshi ret judyryqtasýdan nege qashyp júrgenin saraptap kórdi dep habarlaıdy Vesti.kz.
Munyń aldynda Alvares Golovkınmen trılogııaǵa nege qulyqsyz ekenin aıtqan. "Kanelo" Alvares Golovkınmen trılogııaǵa qatysty kútpegen málimdeme jasaǵan da edi. Alaıda jýrnalıstiń bul jaıynda oıy basqa.
"Golovkın qarymtada "Kanelony" eki ret eseńgiretip jibergennen keıin meksıkalyq juldyz onymen baılanysqysy kelmeıtin bolar. Endi Golovkınde jańa bapker, Djonaton Benks boksshynyń kóbirek soqqy jasaǵanyn qalaıdy. Eki jekpe-jekte de "Kanelo" Golovkınnen alǵan soqqylardan shaldyǵyp, qulazyp qalǵandaı kórindi. Eger Golovkın soqqylar sanyn bir raýndta 20-30-ǵa deıin jetkizse, "Kaneloda" úlken qıyndyqtar týyndaıtynyn sózsiz", - deıdi sholýshy.