Mahambet О́temisuly atyndaǵy Batys Qazaqstan memlekettik ýnıversıtetinde «Salaýatty ómir úshin» atty kópshilik saýyqtyrý sharasy ótti.
Bul bastamanyń maqsaty – elimizdiń turǵyndary arasynda dene shynyqtyrý men salaýatty ómir saltyn nasıhattaý. Byltyr Elbasy Nursultan Nazarbaev sport sharasyn qoldaýǵa baılanysty beıneúndeý joldaǵan edi. Aksııa otandyq tanymal sportshylardyń, elimizdiń mádenıet jáne mass-medıa ókilderiniń qatysýymen ashyq jattyǵýlar ótkizý arqyly qazaqstandyqtardy dene shynyqtyrýmen jáne sportpen shuǵyldanýǵa yntalandyrý maqsatynan týyndaǵan, - deıdi ýnıversıtet qyzmetkeri, dosent Rıta Sultanǵalıeva.
Kópshilik sharasyna ýnıversıtet rektory Nurlan Habıbollauly, «Nur Otan» partııasy BQO fılıaly tóraǵasynyń birinshi orynbasary Murat Rahmetuly, «Jas Otan» ókilderi men ýnıversıtet stýdentteri belsene qatysty. Kúzgi jaýynǵa qaramastan bir yrǵaqpen jattyǵý jasaǵan kópshilik salaýatty ómir saltyn nasıhattap, táni saýdyń jany saý ekendigin kórsetti.
Aıta keteıik, Mahambet ýnıversıtetinde dene shynyqtyrýǵa barlyq jaǵdaı jasalǵan. Jańa oqý jylynda oqý ornynyń bas ǵımaraty aýmaǵynan stýdentterge arnalǵan aýmaǵy 920 sharshy metrlik jańa sporttyq alań paıdalanýǵa berilgen bolatyn. Bul stýdentterdiń bos ýaqytynda sportpen aınalysýyna, túrli sporttyq sharalar uıymdastyrýǵa óte qolaıly boldy.