Qazaqstan Qarýly kúshterinde áskerı qyzmetshilerdi azyq-túlikpen qamtamasyz etý júıesin keshendi túrde jańǵyrtý jumystaryndaǵy negizgi jańalyqtardyń biri birneshe taǵam arasynan óz tańdaýyn jasaýǵa múmkindik beretin «shved ústeli» elementterin engizý bolyp otyr, dep habarlaıdy Egemen.kz.
Jańa tamaqtaný júıesi boıynsha áskerı qyzmetshiler kún saıyn usynylatyn birneshe birinshi jáne ekinshi taǵam arasynan tańdaý jasaı alady. Bul rette tamaqtaný quny ózgerissiz saqtalady, al únemdelgen qarajat taǵam daıyndaý men taratý úderisterin tıimdi uıymdastyrý arqyly qamtamasyz etiledi.
Qazirgi ýaqytta áskerdegi tamaqtandyrý júıesi 40 myńnan astam áskerı qyzmetshini qamtyp, 23 qyzmet kórsetýshi arqyly júzege asyrylýda. Olardyń qataryna merzimdi qyzmet sarbazdary, kýrsanttar men kadetter kiredi. Júrgizilgen konkýrs nátıjesinde naryqqa 11 jańa jetkizýshi tartylyp, básekelestik deńgeıin arttyrýǵa jáne qyzmet sapasyn jaqsartýǵa múmkindik jasaldy.
«Smart-voenkomat» jáne «e-Medosmotr»: Áskerge shaqyrylýshylar sıfrlyq júıe arqyly irikteledi
Sonymen qatar tamaqtandyrý júıesi uzaq merzimdi negizge kóshirilmek. Endi kelisimsharttar úsh jylǵa jasalyp, barlyq konkýrs rásimderi tolyqtaı elektrondy formatqa aýysady. Bul óz kezeginde ashyqtyqty qamtamasyz etip, sybaılas jemqorlyq táýekelderin azaıtýǵa jáne jetkizýshilerdiń turaqtylyǵyn nyǵaıtýǵa baǵyttalǵan.
Tamaq sapasyn arttyrý maqsatynda birqatar naqty sharalar júzege asyryldy. Atap aıtqanda, shamamen 300-ge jýyq kórsetilimdik jáne baqylaý taǵamdary daıyndalyp, aspazdarǵa arnalǵan oqytý kýrstary ótkizildi. Sonymen birge, áskerı qyzmetshilerdiń pikirleri eskerilip, bólimshelerde anonımdi saýalnamalar júrgizildi. Onyń nátıjesinde mázir keıbir ózgeristerge ushyrap, azyq-túlik normalary saqtala otyryp jetildirildi.
Qorǵanys mınıstrligi ókilderiniń aıtýynsha, jańa júıege kóshý – áskerı qyzmetshilerdiń tamaqtaný sapasyn arttyrýdaǵy mańyzdy qadam. Basymdyq sarbazdardyń qajettilikterine berilip, taǵamnyń ártúrliligi men sapasyn jaqsartýǵa erekshe kóńil bólinýde.
Almaty men Túrkistanda jańa áskerı nysandar salynyp jatyr
Sonymen qatar tamaq rasıonyn baıytý maqsatynda ulttyq taǵamdardy engizý jumystary da qolǵa alynǵan. Áskerı bólimderde ulttyq taǵamdar kúnderi uıymdastyrylyp, palaý, qýyrdaq, mampar, et, baýyrsaq sııaqty dástúrli taǵamdar usynylýda.
Dalalyq jaǵdaıda tamaqtandyrý sapasyn arttyrý jáne áskerı aspazdar daıarlaý isine de erekshe nazar aýdarylyp otyr. Olar polıgondarda azamattyq jetkizýshilermen birlesip jumys isteıtin bolady.
Qoǵamdyq baqylaý júıesi de mańyzdy ról atqarady. Bul baǵytta «Analar júregi» sarbaz analary komıteti tamaq sapasyn baǵalaý jáne áskerı qyzmetshilermen keri baılanys ornatý prosesine qatysady. Bul uıym júıeniń ashyqtyǵyn qamtamasyz etip, halyq senimin arttyrýǵa yqpal etedi.
Kóktemgi áskerge shaqyrý: О́tinimdi endi onlaın berýge bolady