Aldaǵy kúnderi elimizdiń ońtústiginde aýa temperatýrasy +32 gradýsqa deıin kóteriledi. Biraq birneshe óńirde naızaǵaı oınap, jańbyr jaýyp jáne jel kúsheıedi, dep jazady Egemen.kz.
Sınoptıkterdiń málimetinshe, 31 naýryz ben 2 sáýir aralyǵynda elimizdiń basym bóliginde jaýyn-shashyn bolmaıdy. Degenmen, batys óńirler men ońtústiktiń taýly aımaqtarynda jańbyr jaýyp, naızaǵaı oınaıdy. Batysta keı jerlerde jaýyn-shashynnyń kúsheıýi jáne jeldiń jyldamdyǵy 15-20 m/s-qa deıin jetýi múmkin.
Sondaı-aq respýblıka boıynsha túngi jáne tańerteńgi ýaqytta tuman túsý yqtımaldyǵy joǵary. Bul kólik qozǵalysyna áser etýi múmkin, sondyqtan júrgizýshilerge saq bolý usynylady.
Aýa temperatýrasy óńirler boıynsha aıtarlyqtaı erekshelenedi. Atap aıtqanda:
Soltústik-batysta – +17…+26 gradýs; Soltústikte – +13…+20 gradýs; Ortalyqta – +12…+23 gradýs; Shyǵysta – +5…+22 gradýs; Ońtústik pen ońtústik-shyǵysta aýa temperatýrasy +23…+32 gradýsqa deıin kóteriledi; Batysta kerisinshe, +13…+20 gradýsqa deıin salqyndaý kútiledi.Kúnniń kúrt jylynýy men jaýyn-shashynnyń qatar júrýi keı óńirlerde qolaısyz jaǵdaı týǵyzýy múmkin.
Birqatar óńirde aýa raıyna baılanysty eskertý jarııalandy