Mańǵystaý oblystyq mádenıet, tilderdi damytý jáne arhıv isi basqarmasy jáne oblystyq ǵylymı-ádistemelik jáne mádenı qyzmet kórsetý ortalyǵynyń uıymdastyrýymen Jańaózen qalasy «Munaıshy» mádenıet úıiniń bazasynda Qazaqstan Respýblıkasy Prezıdentiniń damý múmkindigi shekteýli azamattardy qoǵamdyq ortaǵa kiriktirý máselelerine zor kóńil bólý týraly tapsyrmasyn oryndaý jáne Jańaózen qalasynyń áleýmettik jaıdaılaryn ońaltý, múmkindigi shekteýli jandardy qoldaý maqsatynda «Bolashaqqa baǵdar: rýhanı jańǵyrý» baǵdarlamasynyń aıasynda oblystyq «Syrly álem» múmkindigi shekteýli jandar arasyndaǵy shyǵarmashylyq baıqaýy ótti.
Baıqaý maqsaty - múmkindigi shekteýli jandardyń erik-jigerin nyǵaıtý, talantyn ushtap, daryndy óner ıelerin halyqqa tanytý, múgedek jandarǵa ózderi ómir súrip jatqan qoǵamda, belgili oryny bar tolyqqandy múshesi ekenin sezinýge múmkindik jasaý, óz múmkindikterine sendirý, olardyń arasynan belsendi adamdardy anyqtap, ózgelerge úlgi etý, olardyń ómirge degen kózqarastaryn ózgertip, áleýmettik beıimdeý.
Oblystyń qala, aýdandarynan kelgen múmkindigi shekteýli óner ıeleri jeke án salý, aspapta oryndaý (gıtara, dombyra, fortepıano, baıan), kórkemsóz oqý (poezııa, kórkemsóz, avtorlyq shyǵarmalar) jáne qolóner (zergerlik, toqyma, qolóner buıymdary) syndy tórt nomınasııa boıynsha synǵa tústi.
Baıqaýǵa aýdandan, qalalardan múmkindigi shekteýli 39 ónerpaz qatysty. Júldegerler arnaıy syılyqtarmen marapattaldy.
Mańǵystaý oblysy