Taldyqorǵan qalasynda úı kezegin kútken 100 otbasy birden baspanaly boldy. Qala kúni merekesin atap ótý barysynda jańadan salynǵan kottedjdi qalashyq aýmaǵyndaǵy turǵyn úı kiltteri tabys etildi.
«Bereke» ataýyn ıelengen jańa shaǵyn aýdanda aldaǵy kezeńde 606 kottedj boı kóteredi. Qazir 155 nysannyń qurylysy qyzý júrip jatyr. Alǵashqy lekte tolyq daıyn bolǵan 100 úı qoldanysqa berildi.
- Qala kúninde baspanaǵa muqtaj adamdardyń qýanyshyn bólisip otyrmyz. «Nurly jer» baǵdarlamasy berilgen kottedjderge kóp balaly analar men úı kezeginde turǵan otbasylar qonystanady. Jalpy, Taldyqorǵan qalasynda turǵyn úı qurylysy qarqyn alǵan. Jyl basynan beri 100,4 myń sharshy metr baspana paıdalanýǵa berildi, - dedi turǵyndardyń qýanyshyn bólisken oblys ákimi Amandyq Batalov óz sózinde.
Almaty oblysy