Shymkent qalasynda Ortalyq Azııa men Qazaqstandaǵy qýattylyǵy 63 MVA klasty, 220 kV kerneýli avtotransformator tanystyryldy.
Ǵylym men bıznesti biriktirýdiń arqasynda transformator jasaý salasyndagy ınnovasııalyq ilgerileýge qol jetip otyr. «Alageum Electric» kompanııasy, «Energııa» QazOEJǴZJII AQ jáne «Elektrodetal» JShS kásiporyndarynyń quramyna kiretin Kentaý transformator zaýytynyń ǵalymdary men ınjenerleri qýattylyǵa joǵary avtotransformerdi jasap shyǵardy.
Bilim jáne ǵylym mınıstrligi men Dúnıejúzilik bank «О́nimdi ınnovasııalardy yntalandyrý» atty jobasyn birlesip júzege asyrdy. Sol joba aıasynda avtotransformator 2017 jyly «О́nimdi ınnovasııalar konsorsıýmynyń» baǵdarlamasy sheńberine qoldaý tapqan bolatyn. Qazaqstandaǵy qýattylyǵy óte joǵary alǵashqy avtotransformatordyń jobalaýshysy –tehnıka ǵylymdarynyń doktory, Qazaqstannyń eńbek sińirgen energetıgi Sergeı Sokolov. Ol óz salasynda úlken nátıjelerge qol jetkizgendigin aıta ketý kerek. Sonymen qatar onyń ǵylymı eńbekteri elimizde jáne shetelderde jarııalanǵan.
«Qýattylyǵy 63 MVA avtotransformator» Qazaqstanǵa óte qajet, mundaı transformatorlarǵa degen suranys kúnnen-kúnge artyp keledi. Al shetelderde bul transformator óziniń erekshelikterine oraı basqa da osyndaı transformatorlarmen básekege túse alady», - dep atap ketti Sergeı Sokolov.
Kentaý transformator zaýytynyń avtotransformatory paıdalanýǵa ázir tur. Osy jaqyn kúnderi ol Túrkistan oblysymen irgeles úsh aýdanda – Keles, Saryaǵash jáne Maqtaaralda elektrenergııasyn bóle bastaıdy. Saryaǵash aýdanynyń TKSh-men shart jasalyp ta qoıyldy.
Qýattylyǵy joǵary transformatorlarǵa degen suranys jyldan-jylǵa artyp keledi. Máselen, Qazaqstannyń is júzinde barlyq qosalqy stansalary HH ǵasyrdyń 80-jyldary salynǵany belgili. Demek, taıaý merzimde olardy jańǵyrtýǵa múmkin bolady.
Sondyqtan da, bótendi ózimizdikine almastyrý Qazaqstandaǵy ımport almastyrý baǵdarlamasynyń negizgi fılosofııalyq tujyrymy. «Kentaý transformator zaýyty» AQ bul baǵytta belsendi jumys atqaryp jatyr. Kerneýi 220 kV klasty qýattylyǵy 63 MVA avtotransformatory – Qazaqstandaǵy ımport almastyrý jónindegi aýqymdy jumystyń jarqyn mysaly.