Almatydaǵy «Ulttyq jol aktıvteri sapasy ortalyǵy» RMK mamandary jańadan asfalt tóselgen Tóle bı kóshesinen synama aldy. Endi nátıjesi úsh kún ishinde belgili bolmaq.
Eger alynǵan synamadan olqylyqtar anyqtalsa, merdiger mekemege joldy qaıta jasaýǵa týra keledi. Jalpy jyl basynan beri ulttyq jol ortalyǵy jóndeýden ótken 140-tan astam kósheden synama alynǵan. Mamandar qazirge aıtarlyqtaı sapasyzdyqtar oryn almaǵanyn aıtady.
«Synamalar zerthanalyq synaqtan ótedi. Zerthanada alynǵan synamanyń tyǵyzdyǵyn jáne sý sińirgishtigin, bıtým mólsherin anyqtaımyz», – dedi «Ulttyq jol aktıvteri sapasy ortalyǵy» RMK Almaty qalasy boıynsha fılıalynyń ınjeneri Aıdar Beıisbekov.
ALMATY