Májilis Tóraǵasy Nurlan Nyǵmatýlın Serbııa Parlamentiniń Basshysy Maııa Goıkovıchpen parlamentaralyq yntymaqtastyqty nyǵaıtý máselelerin talqylady. Bul týraly Májilistiń baspasóz qyzmeti habarlady.
Taraptar kelissózdi 12-15 qazan aralyǵynda Belgradta ótip jatqan Parlamentaralyq Odaq Assambleıasynyń 141-shi otyrysy aıasynda júrgizdi.
Serbııa - Qazaqstannyń Balqan aımaǵyndaǵy mańyzdy saıası seriktesi ekenin aıtqan Nurlan Nyǵmatýlın eki el arasyndaǵy qatynastar tolyǵymen ózara túsinistik pen senim jaǵdaıynda damyp kele jatqanyna toqtaldy.
Májilis Tóraǵasynyń pikirinshe Qazaqstannyń Tuńǵysh Prezıdenti Nursultan Nazarbaevtyń 2016 jyly Serbııaǵa jasaǵan resmı sapary, Serbııa Prezıdenti Aleksandr Výchıchtiń 2018 jyly Qazaqstanǵa jasaǵan is-sapary, elimizdiń Prezıdenti Qasym-Jomart Toqaevtyń Belgradta Qazaqstannyń Elshiligin ashý týraly sheshimi eki eldiń yntymaqtastyǵyn arttyrdy.
Aýyl sharýashylyǵy, qurylys, farmasevtık jáne týrızm salasyndaǵy yntymaqtastyq áleýetti baǵyttardyń biri bolyp tabylady.EAEO pen Serbııa arasyndaǵy qurylǵan erkin saýda aımaǵy da úlken múmkindikterge ıe.
Sonymen qatar, Májilis Tóraǵasy qazaqstandyq jáne serbııalyq parlamentshiler arasyndaǵy qatynastardyń damýyna qoldaý bildirdi. Bul reformalardy zańnamalyq qamtamasyz etý, yntymaqtastyq toptary men tıisti komıtetterdiń belsendi ózara is-qımyly boıynsha tájirıbe almasýǵa múmkindik beredi.
Nurlan Nyǵmatýlın Maııa Goıkovıchke qyrkúıek aıynda Nur-Sultanda ótken Eýrazııa elderi parlamentteri spıkerleriniń 4-shi keńesine qatysqany úshin alǵysyn bildirip, forýmda aıtylǵan bastamalar men usynystar Eýrazııalyq aımaq elderiniń yntymaqtastyǵyn jańa deńgeıge shyǵaratynyna senim bildirdi.