Golýbovka aýylyndaǵy «Abaı» sharýa qojalyǵynyń basshysy Nıkolaı Mıller – jaqsy jer izdep eshqaıda ketpegen nemis ultynyń ókili. О́zi týyp-ósken qazaq aýylynyń órkendep ósýine úles qosýda. Astyqty alqaptyń ıesi. Mıller jasaǵan qaladaǵydaı ómir súretin órkenıetti aýylǵa kelseńiz tańǵalasyz.
Golýbovkańyzdyń baıyrǵy ataýy – Qorǵankól. Tyń ıgerý kezinde ataýyn joǵaltyp alǵany bolmasa, qazirgi aýyl toq, aman-esen jaınap tur.
Osy tyń ıgerýshiler otbasynda, Qorǵankólde Nıkolaı Mıller dúnıege kelgen.
Osydan biraz buryn Nıkolaı Mıller aýyldastarymen aqyldasa otyryp, jergilikti musylmandar úshin meshit, al pravoslavıe hrıstıandary úshin shirkeý salýdy qolǵa aldy.
Aýylynda О́zbekstannan kelgen jumysshylar otbasylarymen birge turyp jatyr. Qazir olar ózderi bastaǵan meshit qurylysyn aıaqtap qaldy.
Nıkolaı Mıllerdiń aıtýynsha, meshit te ortalyqtandyrylǵan jylý qubyryna qosylǵan. Aýlasyna túrli aǵashtar men jemis-jıdekter otyrǵyzylǵan.
Taǵy bir ereksheligi – aýyl meshiti ózgeshe úlgide turǵyzylýda. Shaǵyn, jınaqy, sándi.
– Birqatar meshittiń úlgilerin kórdik. Bizge Qazandaǵy meshitterdiń úlgisi unady, – deıdi Nıkolaı Mıller.
Jýyrda Qazaqstan musylmandary dinı basqarmasynyń oblystaǵy ókil ımamy Joldas qajy Qospaquly da Golýbovkaǵa baryp qaıtty. Jergilikti turǵyndarmen de júzdesti. Joldas qajy sharýashylyq basshysyna rızashylyǵyn bildirip, meshitti tirkeý jumysyna qoldaý kórsetpek.
Biz de jolsaparlar barysynda Nıkolaı Aleksandrovıchtiń aýylynda talaı ret boldyq. Ázilimen qatar qyzyqty áńgimelerin de tyńdaı bergiń keledi.
Maımysh ata jaıly jıi aıtady. Qorǵankóldiń balasy – Mıller Soltústik muzdy muhıtta áskerı-flotta qyzmet etip, súńgýir qaıyqta teńizshi bolǵan.
Iá, Mıller jaıly qansha jazsaq ta, artyq emes dep oılaımyn. Bizdiń elimizge Qorǵankóldiń osyndaı eńbekqor, basqalarǵa úlgi eterlik azamattaryndaı eńbek adamdary kerek-aq.
Pavlodar oblysy,
Ertis aýdany