Jumys kúni bastalǵanǵa deıin elorda ákimi Altaı Kólginov turǵyn úı qurylys jınaq bankiniń salymshylaryna arnaıy salynyp jatqan turǵyn úı keshenine bardy. Salymshylardyń bir bóligi-turǵyn úıge kezekte tur. TK birneshe bloktan turady, páterlerdiń jalpy sany - 653. Bul týraly Nur-Sultan qalasy ákimdiginiń baspasóz qyzmeti habarlady.
Memleket basshysy elordany odan ári damytý jónindegi keńeste turǵyn úıdi iske qosý qarqyny men qurylys jumystarynyń kólemin arttyrý qajettigine asa nazar aýdardy.
Prezıdent mekemelerdiń barlyq jaǵynan yńǵaıly bolýyn tapsyrǵan bolatyn. Sonyń aıasynda turǵyn úı kesheniniń birinshi qabatynda emhana, shaǵyn ortalyq (balabaqsha) jáne polısııa pýnkti sııaqty áleýmettik nysandar ashylady.
Turǵyn úı kesheni jobalyq ataýy №27 jáne №36 kóshe qıylysynda ornalasqan (Á. Bókeıhanov kóshesiniń aýdany).Úı ınjenerlik jelilerge tartylǵan. TK osy jyldyń sońyna deıin qoldanysqa beriledi. Qala ákimi A. Kólginov qurylys jumystaryn ýaqytynda aıaqtap, úı aýlasyn abattandyrýǵa daıyn bolý qajettigin atap ótti.