Munaıshylar astanasynda jasóspirimder arasynda 26-27 qazanda taekvondo GTF tujyrymy boıynsha Atyrau Open týrnıri ótedi. Elimizdiń batys óńirlerinen, atap aıtqanda Oral, Aqtóbe, Atyraý jáne Aqtaýdan barlyǵy 300 sportshy qatysady dep kútilýde.
Mańǵystaýdyń namysyn qorǵaýǵa bapker Búrkit Isakulynyń shákirtteri saqadaı-saı daıyn. Qazir olar «О́RKEN» oqý ortalyǵynda balǵyn taekvondoshylar oqý-jattyǵý jıynyn ótkizýde.
Aıta ketý kerek, federasııanyń bólimsheleri «О́RLEÝ» jáne nómiri 8 orta mektepte de jumys jasaıdy. Mańǵystaý oblystyq taekvondo GTF federasııasy osydan 8 jyl buryn óz jumysyn bastaǵan bolatyn, onyń prezıdenti Sáttiǵul Ábitov.
Osy ýaqyt aralyǵynda balǵyn taekvondoshylar kóptegen halyqaralyq týrnırler, el birinshilikteri, Eýropa jáne Álem chempıonattarynda júldeger atanyp júr. Bapker shákirtteriniń atoı salatyndaryna senimdi.
-Atyraýda ótetin týrnır joǵary deńgeıge uıymdastyrylatynyna kúmán keltirmeımiz. Bizdiń komanda medaldiń barlyǵynan úmitti, ásirese altyn kóbirek bolady degen oıdamyn. Shákirtterimdi jeńiske barynsha jigerlendirýdemin, deıdi bapker.
Sportshylarǵa ózderiniń sporttyq sheberlikterin shyńdap, ózara tájirıbe almasyp, daıyndyqtaryn kórsetýge jáne basqa da jarystarda óz myqtylyqtaryn dáleldeýge múmkindik bar.