Atyraý garnızonynyń áskerı bólimderi men mekemelerin dıversııaǵa toıtarys berý ázirligine tekserdi. Bul jaıly «Batys» óńirlik qolbasshylyǵy basqarmasynyń baspasóz qyzmeti kapıtan Rýstem Igısınov habarlady.
Taktıkalyq-saptyq oqý jattyǵýdyń barysynda áskerı bólimde shtattan tys jaǵdaı oryn alǵan kezde áskerı bólimniń kezekshi kúshteri men jasaqtardyń is-áreket tártibi men turaqty dıslokasııalaný pýnktinde ornalasqan jeke quramnyń árketteri pysyqtaldy.
Jattyǵý «Batys» óńirlik qolbasshylyǵy áskerleri qolbasshysynyń birinshi orynbasary – shtab bastyǵy polkovnık Shaıh-Hasan Jazyqbaevtyń bastaýymen ótip, Atyraý garnızonyndaǵy áskerı bólimderdiń bireýine shartty túrde shabýyl jasaýdan bastaldy. О́z kezeginde, kezekshi kúshter ózara qarym-qatynasty uıymdastyryp, shabýylǵa birigip toıtarys berýleri qajet boldy.
- Búgingi kúni áskerı bólimderdiń qaýipsizdigi – kúndelikti áskerı ómirdiń mańyzdy máseleleriniń biri. Atalmysh jattyǵýlardyń arqasynda, biz jeke quramnyń ózara qarym-qatynasy men obektilerdegi qurylǵylardy shtattan tys jaǵdaılarda tekserip,- baǵa bere alamyz, deıdi óńirlik qolbasshylyqtyń áskerler qyzmetiniń bastyǵy podpolkovnık Bahytjan Belgibaev.
Esterińizge sala ketsek, áskerı bólimniń, garnızonnyń dıversııaǵa qarsy qaýipsizdigi olarǵa degen shabýyldarǵa ýaqytyly toıtarys berý, obektilerge bóten adamdardyń kirýin boldyrmaý jáne áskerı tehnıka men qarý-jaraqtyń bútindigin saqtaý maqsatynda jasalady.